ବ୍ରହ୍ମପୁର: ଗତ ଏକ ବର୍ଷ ଧରି ବ୍ରହ୍ମପୁର ସମେତ ଓଡ଼ିଶାର ବିଭିନ୍ନ ସ୍ଥାନରେ ପୁଲିସ ଓ ସିବିଆଇ ବୋଲି ପରିଚୟ ଦେଇ ଲୁଟ କରୁଥିବା ଅପରାଧୀ ଗ୍ୟାଙ୍ଗର ମୁଖିଆକୁ ବୁଧବାର ନୂଆଗାଁ ପୁଲିସ ଗିରଫ କରିଛି । ତାର ନାଁ ସିକନ୍ଦର ଅଲ୍ଲୀ ବୋଲି ଜଣାପଡ଼ିଛି ।
ସୂଚନା ଅନୁଯାୟୀ, ଗ୍ୟାଙ୍ଗର ମୁଖିଆ ସିକନ୍ଦର ଅଲ୍ଲୀ କର୍ଣ୍ଣାଟକ ବିଦାର ଜିଲାରେ ରହୁଥିଲା । ଏହି ଗ୍ୟାଙ୍ଗର ଅପରାଧିମାନେ ଓଡ଼ିଶାର ବିଭିନ୍ନ ସ୍ଥାନରେ ପୁଲିସ ଓ ସିବିଆଇ ବୋଲି ପରିଚୟ ଦେଇ ପଥଚାରୀଙ୍କ ଠାରୁ ସୁନା ଅଳଙ୍କାର ଲୁଟ କରୁଥିଲେ । ଇରାନିଆନ ନାମକ ଏହି ଗ୍ୟାଙ୍ଗରେ ମୋଟ ୯ ଜଣ ରହିଥିବା ବେଳେ ସେମାନେ ଓଡିଶା ସମେତ ବିହାର, ପଶ୍ଚିମବଙ୍ଗ, ଉତ୍ତର ପ୍ରଦେଶ ଭଳି ରାଜ୍ୟରେ ନିଜ କାରନାମା ଚଳାଉଥିଲେ । ବ୍ରହ୍ମପୁର ସହରର ୮ ଜଣ ବରିଷ୍ଠ ନାଗରିକ ଓ ମହିଳାଙ୍କ ଠାରୁ ସୁନା ଲୁଟ କରିଥିବା ଅଭିଯୋଗ ରହିଛି। ପୁଲିସ ପକ୍ଷରୁ ଗ୍ୟାଙ୍ଗର ମୁଖିଆକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଗ୍ୟାଙ୍ଗର ଅନ୍ୟ ସଦସ୍ୟମାନଙ୍କୁ ଧରିବାପାଇଁ ପୁଲିସର ଏକ ଟିମ କର୍ଣ୍ଣାଟକ ଯାଇଥିବା ଏସପି ପ୍ରଭାତ ରାଉତରାୟ କହିଛନ୍ତି ।
Comments are closed.