ଜମ୍ମୁ : ନିଜ ଜୀବନକୁ ବାଜି ଲଗାଇ ମାଲିକ ବା ମାଲିକଙ୍କ ପରିବାର ଲୋକଙ୍କ ଜୀବନ ବଞ୍ଚାଇଥିବା ପୋଷା କୁକୁର ବିଷୟରେ ଆପଣ ଅନେକ ଶୁଣିଥିବେ। କିନ୍ତୁ ଜଣେ ମାଲିକ ନିଜ ଜୀବନକୁ ବାଜି ଲାଗାଇ ପୋଷା କୁକୁରକୁ ବଞ୍ଚାଇ ଥିବା ଘଟଣା କେବେ ଶୁଣିଛନ୍ତି କି?
ଜମ୍ମୁ-କଶ୍ମୀରର ଗୁଲମର୍ଗ ଅଞ୍ଚଳରେ ଏଭଳି ଘଟଣା ଘଟିଯାଇଛି। ନିଆଁ ମୁହଁରୁ ନିଜ ପୋଷା କୁକୁରକୁ ବଞ୍ଚାଇବାକୁ ଯାଇ ଜୀବନ ହାରିଛନ୍ତି ଜଣେ ଯବାନ।
ମିଳିଥିବା ସୂଚନା ଅନୁଯାୟୀ, ଶନିବାର ବିଳମ୍ବିତ ରାତିରେ ଯବାନଙ୍କ ଘରେ ନିଆଁ ଲାଗି ଯାଇଥିଲା। ଏହି ସମୟରେ ଘରେ ତାଙ୍କ ପତ୍ନୀଙ୍କ ସହ ପୋଷା କୁକୁର ଥିଲେ। ପତ୍ନୀଙ୍କୁ ସୁରକ୍ଷିତ ଭାବେ ଘରୁ ବାହାର କରିବା ପରେ ପୋଷା କୁକୁରକୁ ବଞ୍ଚାଇବା ପାଇଁ ସେ ଲାଗି ପଡିଥିଲେ। ଶେଷରେ ନିଆଁ ମୁହଁରୁ କୁକୁରକୁ ବଞ୍ଚାଇ ଦେଲେ, ହେଲେ ନିଜେ ନିଆଁରେ ଜଳି ଯାଇଥିଲେ। ତାଙ୍କ ଶରୀରର ଅଧିକାଂଶ ଅଂଶ ନିଆଁରେ ଜଳି ଯାଇଥିବା କାରଣରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା।
ସୂଚନା ପାଇଁ ଦମକଳ କର୍ମଚାରୀ ପହଞ୍ଚି ପୁଲିସ ସହାୟତାରେ ନିଆଁକୁ ଆୟତ୍ତ କରିଥିଲେ। ସେନା ଅଧିକାରୀ ମୃତଦେହକୁ ଜବତ କରି ଆଇନଗତ ଔପଚାରିକତା ଦୃଷ୍ଟିରୁ ଜିଲା ଚିକିତ୍ସାଳୟକୁ ସ୍ଥାନାନ୍ତରିତ କରିଥିଲେ।
