ନୂଆଦିଲ୍ଲୀ: ଯଦି ଆପଣ ବିମାନରେ ଯାତ୍ରା କରିବାକୁ ଯାଉଛନ୍ତି କିମ୍ବା ଏଥିପାଇଁ ବୁକ୍ କରୁଛନ୍ତି ତେବେ ଏହି ଖବରଟି ନିଶ୍ଚିତ ପଢନ୍ତୁ । ଭାରତରୁ ବିଶ୍ୱର ଅନ୍ୟ ଦେଶକୁ ଯାଉଥିବା ବିମାନ ସେବା ପ୍ରଭାବିତ ହୋଇଛି । ଏପରିକି ବିମାନ ସେବା ବାତିଲ ହୋଇପାରେ । କାରଣ ଏ୩୨୦ ଫ୍ୟାମିଲି ବିମାନର ସଫ୍ଟୱେରରେ ଯାନ୍ତ୍ରିକ ତ୍ରୁଟି ଦେଖାଦେଇଛି । ଫଳରେ ଭାରତ ସମେତ ସାରା ବିଶ୍ୱରେ ବିମାନ ସେବା ପ୍ରଭାବିତ ହୋଇଛି । ଏହାକୁ ନେଇ ଏୟାର ଇଣ୍ଡିଆ ଓ ଇଣ୍ଡିଗୋ ପକ୍ଷରୁ ବୈଷୟିକ ପରାମର୍ଶ ଜାରି କରାଯାଇଛି । ଭାରତରେ ପ୍ରାୟ ୨୦୦ରୁ ଅଧିକ ବିମାନ ଉଡାଣ ପ୍ରଭାବିତ ହୋଇଛି । ଏ୩୨୦ ବିମାନ ସଫ୍ଟୱେର୍ ଅପଗ୍ରେଡ୍ ପାଇଁ ସମୟ ଲାଗିପାରେ । ଏୟାରବସ ଏ୩୨୦ ଫ୍ୟାମିଲି ବିମାନ ସର୍ବାଧିକ ବିକ୍ରି ହେଉଥିଲା । ଏୟାର ଇଣ୍ଡିଆ ଏବଂ ଇଣ୍ଡିଗୋ ଯାତ୍ରୀମାନଙ୍କୁ ବିଶେଷ ଭାବରେ ପରାମର୍ଶ ଦେଇ କହିଛି ଯେ ସେମାନେ ବିମାନ ସମ୍ବନ୍ଧୀୟ ଅପଡେଟ୍ ପାଇବା ପରେ ହିଁ ସେମାନଙ୍କର ଯାତ୍ରା ଯୋଜନା ପ୍ରସ୍ତୁତ କରନ୍ତୁ ।
European Union Aviation Safety Agency (EASA) has issued an Emergency Airworthiness Directive (EAD) for the Airbus A320 family to address a susceptibility introduced by a software update in one of its onboard computers… pic.twitter.com/ZzNsVvLHAm
— ANI (@ANI) November 29, 2025
ବିଶ୍ୱର ସର୍ବବୃହତ ବିମାନ ନିର୍ମାତା ଏୟାରବସ୍ ଏହାର ପ୍ରାୟ ୬୦୦୦ ଏ୩୨୦ ବିମାନକୁ ଫେରାଇ ଆଣିଛି କାରଣ ବିମାନ ଉଡାଣ ସମୟରେ ସୂର୍ଯ୍ୟକିରଣ ପଡି ସଫ୍ଟୱେର୍ ଅପଡେଟରେ ବାଧାପ୍ରାପ୍ତ ହେଉଛି । ଯାହା ଫଳରେ ବିମାନର ଗତି ପରିବର୍ତ୍ତନ, ଲାଇନଚ୍ୟୁତ କିମ୍ବା ଦୁର୍ଘଟଣାର ଆଶଙ୍କା ରହିଛି । ତେଣୁ କମ୍ପାନୀକୁ ଏହାର ବିମାନ ସଫ୍ଟୱେରକୁ ଅପଡେଟ କରିବା ଏବଂ ହାର୍ଡୱେରକୁ ପୁନଃସଂଯୋଜିତ କରିବା ଆବଶ୍ୟକ ହୋଇଛି । ଯାହା ଫଳରେ ବିମାନକୁ ଗ୍ରାଉଣ୍ଡେଡ୍ କରିବାକୁ ବାଧ୍ୟ ହେବ ।
We are aware of a directive from Airbus related to its A320 family aircraft currently in-service across airline operators. This will result in a software/hardware realignment on a part of our fleet, leading to longer turnaround time and delays to our…
— Air India (@airindia) November 28, 2025
ଫ୍ଲାଇଟ୍ କଣ୍ଟ୍ରୋଲର୍ ସଫ୍ଟୱେର୍ ସଂସ୍ଥାପିତ ହେବ
ୟୁରୋପୀୟ ୟୁନିଅନ୍ ଏଭିଏସନ୍ ସେଫ୍ଟି ଏଜେନ୍ସି (EASA) ଏକ ଜରୁରୀକାଳୀନ ଏୟାରୱର୍ଥିନେସ୍ ନିର୍ଦ୍ଦେଶନାମା (EAD) ଜାରି କରିଛି, ଯେ A320 ବିମାନଗୁଡ଼ିକୁ ଉଡ଼ାଣ ନିୟନ୍ତ୍ରଣ କରିବା ପାଇଁ ଏକ ସେବାଯୋଗ୍ୟ ଲିଫ୍ଟ ଏଲେରନ୍ କମ୍ପ୍ୟୁଟର (ELAC) ସ୍ଥାପନ କରିବାକୁ ପଡିବ। ଏହି ବିମାନଗୁଡ଼ିକ ଭାରତରେ ସର୍ବାଧିକ ବ୍ୟବହୃତ ହୁଏ। ଇଣ୍ଡିଗୋ, ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ୍ ଏୟାରଲାଇନ୍ସ ପାଖରେ ଏହି ମଡେଲର ପ୍ରାୟ ୫୫୦ ବିମାନ ଅଛି।
