ଟିଟିଲାଗଡ଼ : ଟିଟିଲାଗଡ ବେଲଗାଁ ଜାତୀୟ ରାଜପଥର ଝାରଦେବନ୍ଧ ଶିବ ମନ୍ଦିର ନିକଟରେ ଏକ ସଡକ ଦୁର୍ଘଟଣାରେ ଜନୈକ ଯୁବକ ଗୁରୁତର ଆହତ ହୋଇଥିବା ଜଣାଯାଇଛି। ଯୁବକ ଜଣକ ଟିଟିଲାଗଡ ଥାନା ଅନ୍ତର୍ଗତ ଚୋରମରା ଗ୍ରାମର ଦେବେନ୍ଦ୍ର ରଣା (୪୦) ବୋଲି ଜଣାପଡିଛି। ସେ କୌଣସି ଏକ କାର୍ଯ୍ୟରେ ସହରକୁ ଆସି ପୁର୍ବାହ୍ନ ପ୍ରାୟ ୧୨ଟା ସମୟରେ ନିଜ ଗାଁ ବେଲଗାଁ ପଟକୁ ଏକ ପଲସର ବାଇକରେ ଯାଉଥିବା ବେଳେ ଭାରସାମ୍ୟ ହରାଇ ଏକ ଗଛରେ ଧକ୍କା ହୋଇଥିଲେ। ଖବର ପାଇ ଟିଟିଲାଗଡ ପୁଲିସ ଏଏସଆଇ ଖାମସିଂ ମାଝୀ, ଏଏସଆଇ ଧର୍ମେନ୍ଦ୍ର ମାଝୀ, ବୋଧେଶ୍ୟାମ ମାଝୀ, ରାଜକୁମାର ମାଝୀ, ଭାଗରଥି ଠେଲା, ରାମସୁନ୍ଦର ମୁଦଲି ପହଞ୍ଚି ୧୦୮କୁ ଅପେକ୍ଷା ନକରି ନିଜେ ପୁଲିସ ଗାଡିରେ ଡାକ୍ତରଖାନା ଆଣିଥିଲେ। ସେଠାରୁ ତାଙ୍କୁ ବଲାଙ୍ଗିର ଓ ପରେ ବୁର୍ଲା ପଠା ଯାଇଥିବା ଜଣାପଡିଛି।
Comments are closed.