ପଥଚାରୀଙ୍କୁ ଧକ୍କା ଦେଲା ବାଇକ, ଦୁଇ ଗୁରୁତର

କଲମପୁର : କଲମପୁର ଥୁଆମୁଳ-ରାମପୁର ମୁଖ୍ୟ ରାସ୍ତାର ବେଲପଡା ଭରୁଆମୁଣ୍ଡା ଛକ ନିକଟରେ ଜଣେ ପଥଚାରୀଙ୍କୁ ବାଇକ ଧକ୍କା ଦେବା ଫଳରେ ଉଭୟ ପଥଚାରୀ ଏବଂ ବାଇକ ଚାଳକ ଗୁରୁତର ଆହତ ହୋଇଛନ୍ତି । ସୋମବାର ସଂଧ୍ୟାରେ ଏହି ଦୁର୍ଘଟଣା  ଘଟିଛି। ଉଭୟଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।
ସୂଚନା ଅନୁସାରେ ବେଲପଡାର ସୁଧାଂଶୁ ଶେଖର ମିଶ୍ର ନିଜର ଜଣେ ସାଥିଙ୍କ ସହ କଲମପୁର ଥୁଆମୁଳ-ରାମପୁର ରାସ୍ତାରେ ସାଂଧ୍ୟ ଭ୍ରମଣରେ ଯାଇ ଘରକୁ ଫେରୁଥିବା ବେଳେ ଭରୁଆମୁଣ୍ଡା ଛକ ନିକଟରେ ପଣ୍ଡିଗାଁର ପଦ୍ମଲାଚନ ନାଏକ ନାମକ ବାଇକ ଚାଳକ ପଥଚାରୀ ଶ୍ରୀମିଶ୍ରଙ୍କୁ ପଛ ପଟରୁ ଧକ୍କା ଦେଇଥିଲା । ଶ୍ରୀ ମିଶ୍ର ଛିଟିକି ପଡି ଗୁରୁତର ହେଇଛନ୍ତି । ସେହିଭଳି ପଦ୍ମ ଲୋଚନ ମଧ୍ୟ ଗୁରୁତର ହେଇ ରାସ୍ତାକଡକୁ ଛିଟିକି ପଡିଥିଲେ। ସ୍ଥାନୀୟ ଲୋକ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ । କିନ୍ତୁ ଶ୍ରୀ ମିଶ୍ରଙ୍କ ମୁଣ୍ଡ ଏବଂ ଅଣ୍ଟାରେ ମାଡ ହେଇଥିବା କାରଣରୁ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେବା ପାଇଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ତରଫରୁ ପରାମର୍ଶ ଦିଆଯାଇଥିଲା। ପରିବାର ଲୋକ ତୁରନ୍ତ ବିଶାଖାପାଟଣା ସ୍ଥାନାନ୍ତରିତ କରିଛନ୍ତି । ସେହିଭଳି ପଦ୍ମଲୋଚନଙ୍କ ମୁହଁ ଓ ଗୋଡରେ ମାଡ ହେବା ଯୋଗୁଁ ପ୍ରାଥମିକ ଚିକିତ୍ସା ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେବା ପାଇଁ ଡାକ୍ତର ପରାମର୍ଶ ଦେଇଥିଲେ। ରାତ୍ରୀରେ ଉଭୟଙ୍କୁ ସ୍ଥାନାନ୍ତର କରାଯାଇଛି।