ପାଟଣା : ଏକ ସଡକ ଦୁର୍ଘଟଣାରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି । ମୃତକ କାଠବାରୀ ନିକଟସ୍ତ ବାରିଗାଁ ଗ୍ରାମର ଅମିୟ କୁମାର ପଲେଇ (୩୬) ବୋଲି ଜଣାପଡିଛି। ଶ୍ରୀ ପଲେଇ ଗତକାଲି ବିଳମ୍ବିତ ସଂଧ୍ୟାରେ ଘଟଗାଁରୁ ବାଇକ୍ ଯୋଗେ ଗ୍ରାମକୁ ଫେରୁଥିବା ସମୟରେ ୨୦ ନଂ. ଜାତୀୟ ରାଜପଥର ସାନମସିଣାବିଲ୍ଲା ନିକଟରେ ତାଙ୍କ ବାଇକକୁ ପଛପଟୁ ଏକ ଅଜଣା ଗାଡି ଧକ୍କା ଦେଇଥିଲା । ଖବର ପାଇ ଢେଙ୍କିକୋଟ ପୁଲିସ ଘଟଣାସ୍ଥଳରୁ ତାଙ୍କୁ ଉଦ୍ଧାର କରି ଘଟଗାଁ ଡାକ୍ତରଖାନାରେ ଭର୍ତ୍ତି କରିଥିଲେ। ତେବେ ଅବସ୍ଥା ଉଦବେଗଜନକ ଥିବାରୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର ସମୟରେ ତାଙ୍କର ମୃତ୍ୟୁ ଘଟିଛି। ଢେଙ୍କିକୋଟ ଫାଣ୍ଡି ଅଧିକାରୀ ତରଣିସେନ ବାଗ ଶବ ବ୍ୟବଚ୍ଛେଦ କରାଇ ତାଙ୍କ ପରିବାରକୁ ହସ୍ତାନ୍ତର କରିଛନ୍ତି।
Comments are closed.