ଭୁବନେଶ୍ୱର: କଳିଙ୍ଗ ଷ୍ଟୁଡିଓର ଜମି ବିବାଦ ସଂକ୍ରାନ୍ତରେ କଳାକାରଙ୍କ ଅସନ୍ତୋଷ ଓ ବିରୋଧ ପରେ ସେହି ପ୍ରସଙ୍ଗରେ ମତ ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଆଜି ଏକ ଟ୍ୱିଟ୍ ଜରିଆରେ ସେ କହିଛନ୍ତି ଯେ ମହାବାତ୍ୟା ପରେ ଭୁଶୁଡ଼ି ପଡ଼ିଥିବା କଳିଙ୍ଗ ଷ୍ଟୁଡିଓ ଏକଦା ଓଡ଼ିଶାର କଳା, କଳାପ୍ରେମୀ ଓ କଳାକାରଙ୍କ ଭାବାବେଗ ଏବଂ ହଜାର ହଜାର ଲୋକଙ୍କ ଜୀବନ ଜୀବିକା ସହିତ ଜଡ଼ିତ ଥିଲା। ଆଗାମୀ ଦିନରେ ଓଡ଼ିଶାର କଳାଜଗତର ପରିଚୟ ରୂପେ କଳିଙ୍ଗ ଷ୍ଟୁଡିଓକୁ ନୂଆ ଜ୍ଞାନକୌଶଳ ସମ୍ପନ୍ନ କରିି ଗଢ଼ି ତୋଳିବା ପାଇଁ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ସ୍ମୃତି ଇରାନୀଙ୍କ ସହିତ ଆଲୋଚନା କରିବେ। ଷ୍ଟୁଡିଓର ପୁନରୁଦ୍ଧାର ପାଇଁ ଆର୍ଥିକ ଓ ଜ୍ଞାନକୌଶଳ ଯୋଗାଇ ଦେବା ପାଇଁ କେନ୍ଦ୍ର ସରକାରଙ୍କୁ ଅନୁରୋଧ କରିବେ ବୋଲି ସେ କହିଛନ୍ତି।
