ନବୀନ ନିବାସ ସମ୍ମୁଖରେ ବିଜେପି ନେତାଙ୍କ ଧାରଣା

ଭୁବନେଶ୍ବର : ବିଜେପି ପ୍ରାର୍ଥୀ ଡା. ଭୂଦାନ ମୁର୍ମୁ ସରକାରୀ ଚାକିରିରୁ ଇସ୍ତଫା ଦେଇଛନ୍ତି। ୬ ମାସ ତଳୁ ସେ ତାଙ୍କ ଇସ୍ତଫା ପତ୍ର ସରକାରଙ୍କ ନିକଟକୁ ପଠାଇଛନ୍ତି। କିନ୍ତୁ ରାଜ୍ୟ ସରକାର ତାଙ୍କ ଇସ୍ତଫା ପତ୍ର ଗ୍ରହଣ କରୁ ନାହାନ୍ତି ବୋଲି ବିଜେପି ଅଭିଯୋଗ କରିଛି। ଏହାର ପ୍ରତିବାଦରେ ବିଜେପିର କେତେ ଜଣ ବରିଷ୍ଠ ନେତା ବୁଧବାର ଦିନ ନବୀନ ନିବାସ ସମ୍ମୁଖରେ ଧାରଣା ଦେଇଛନ୍ତି। ଡା. ମୁର୍ମୁଙ୍କୁ ବିଜେପି ସାରସକଣା ଆସନରୁ ପ୍ରାର୍ଥୀ କରିଛି। ସରକାର ତାଙ୍କ ଇସ୍ତଫା ପତ୍ର ଗ୍ରହଣ ନ କଲେ ସେ ନିର୍ବାଚନ ଲଢିପାରିବେ ନାହିଁ। ତେଣୁ ସରକାର ତୁରନ୍ତ ଡା. ମୁର୍ମୁଙ୍କ ଇସ୍ତଫା ପତ୍ର ଗ୍ରହଣ କରିବାକୁ ଧାରଣାରେ ବସିଥିବା ବିଜେପିର ମୁଖପାତ୍ର ଲେଖାଶ୍ରୀ ସାମନ୍ତସିଂହାର ଓ ଉପସଭାପତି ସମୀର ମହାନ୍ତି ଦାବି କରିଛନ୍ତି।