ଲକ୍ଷ୍ମୌ ..- ଉତ୍ତର ପ୍ରଦେଶରେ ଏକ ସଡକ ଦୁର୍ଘଟଣା ଘଟି ୪ ଜଣଙ୍କର ମୃତ୍ୟୁ ହୋଇଛି । ଉତ୍ତର ପ୍ରଦେଶର ମୈନିପୁରରେ ଏକ ବସ୍ ନିୟନ୍ତ୍ରଣ ହରାଇ ଡିଭାଇଡର୍ରେ ପିଟି ହୋଇଯିବାରୁ ୪ ଜଣଙ୍କର ମୃତ୍ୟୁ ହୋଇଛି। ଆଗ୍ରା ଓ ଲକ୍ଷ୍ମୌ ଏକ୍ସପ୍ରେସଓ୍ୱେରେ ଏହି ଦୁର୍ଘଟଣା ଘଟିଛି । ଅନ୍ୟ ଏକ ଗାଡିକୁ ଅତି ତୀବ୍ର ଗତିରେ ଅତିକ୍ରମ କରୁଥିବା ବେଳେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି।
ବସ୍ଟି ଲକ୍ଷ୍ମୌରୁ ଦିଲ୍ଲୀ ଯାଉଥିଲା । ମୈନପୁର ନିକଟରେ ଆଗ୍ରା-ଲକ୍ଷ୍ମୌ ଏକ୍ସପ୍ରେସ ଓ୍ୱେରେ ଏହି ବସ୍ଟି ଡିଭାଇଡର୍ରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ନିଆଁ ଲାଗିଯାଥିଲା । ବିଳମ୍ବିତ ରାତ୍ରୀ ୨ଟା ସମୟରେ ଏହି ଘଟଣା ଘଟିଥିଲା । ଜଣେ ଶିଶୁ ଓ ବସ୍ର କଣ୍ଡକ୍ଟରଙ୍କ ସହ ଆଉ ଦୁଇଜଣ ବସ୍ ଭିତରେ ନିଆଁରେ ପୋଡି ହୋଇ ମୃତ୍ୟୁ ବରଣ କରିଛନ୍ତି । ଏଥିରେ ଅନ୍ୟ ୩ ଜଣ ପୋଡି ହୋଇ ଆହତ ହୋଇଥିଲେ । ପ୍ରାଥମିକ ଚିକିତ୍ସା ପରେ ସେମାନଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା କଥା ଜଣା ପଡିଛି ।