ନୂଆଦିଲ୍ଲୀ : ଛତିଶଗଡ଼ ବିଧାନସଭା ନିର୍ବାଚନରେ ବଡ଼ ପରାଜୟ ପରେ ବିଜେପି ନିଜ ରଣନୀତିରେ ପରିବର୍ତ୍ତନ କରିଛି। ଖବର ଅନୁସାରେ ଦଳ ଛତିଶଗଡ଼ରେ ସମସ୍ତ ୧୦ ସାଂସଦଙ୍କ ଟିକେଟ୍ କାଟିଦେବ। ଛତିଶଗଡ଼ ବିଜେପିର ଦାୟିତ୍ୱରେ ଥିବା ଜାତୀୟ ମହାସଚିବ ଅନୀଲ ଜୈନ ଏହା ପ୍ରକାଶ କରିଛନ୍ତି। ସେ କହିଛନ୍ତି ଯେ ଏବେକାର ୧୦ ସାଂସଦଙ୍କ ବଦଳରେ ନୂଆ ମୁହଁଙ୍କୁ ପ୍ରାର୍ଥୀ କରାଯିବ। ଦଳର କେନ୍ଦ୍ରୀ ନିର୍ବାଚନ କମିଟି ଏହି ପ୍ରସ୍ତାବକୁ ମଞ୍ଜୁରୀ ଦେଇସାରିଛି। ତେଣୁ ଦଳ ଏପର୍ଯ୍ୟନ୍ତ ଛତିଶଗଡ଼ରେ ପ୍ରାର୍ଥୀ ତାଲିକା ଘୋଷଣା କରିନାହିଁ।
ପ୍ରକାଶଯୋଗ୍ୟ ଯେ ଛତିଶଗଡ଼ରେ ବିଜେପିର ବରିଷ୍ଠ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ରଣମ ସିଂହଙ୍କ ପୁଅ ଅଭିଷେକ ରାଜନାନ୍ଦଗାଓଁ ଲୋକସଭା ଆସନରୁ ସାଂସଦ ଅଛନ୍ତି। ଯଦି ସମସ୍ତ ସାଂସଦଙ୍କ ଟିକେଟ କଟିବ ତେବେ ଅଭିଷେକଙ୍କ ଟିକେଟ ମଧ୍ୟ କଟିବାର ଆଶଙ୍କା ରହିଛି।
