ଗାନ୍ଧୀନଗର : ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ତଥା ନିକଟରେ କଂଗ୍ରେସ ଛାଡ଼ି ଏନସିପିରେ ଯୋଗ ଦେଇଥିବା ଶଙ୍କର ସିଂହ ବାଘେଲଙ୍କ ଗାନ୍ଧୀନଗରସ୍ଥିତ ଘରୁ ଚୋରି ହୋଇଥିବା ଥାନାରେ ଅଭିଯୋଗ ହୋଇଛି। ତାଙ୍କ ଘରୁ ପାଖାପାଖି ୩ ଲକ୍ଷ ନଗଦ ଟଙ୍କା, ୨ ଲକ୍ଷ ଟଙ୍କାର ଗହଣା, ଆସବାବପତ୍ର ଚୋରି ହୋଇଛି। ବାଘେଲଙ୍କ ଜଣେ ନିକଟ ସମ୍ପର୍କୀୟ ଏନେଇ ପେଥାପୁର ପୁଲିସ୍ ଥାନାରେ ଏତଲା ଦେଇଛନ୍ତି। ଏହି ଚୋରି ପାଇଁ ତାଙ୍କ ପୁରୁଣା ଚୌକିଦାର ସନ୍ଦେହ ଘେରରେ ରହିଛି। ପୁଲିସ୍ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
