ନୂଆଦିଲ୍ଲୀ : ପାକିସ୍ତାନ ସାମ୍ବାଦିକ ତଥା ୟୁଟ୍ୟୁବର ଅହମଦ ନୁରାନୀଙ୍କ ପାଖରେ ପାକିସ୍ତାନ ସରକାରଙ୍କ ପାଇଁ ପ୍ରଶ୍ନର ଲମ୍ବା ଲାଇନ ଲାଗିଛି । ଅହମଦ ଶହବାଦ ସରିଫଙ୍କ ସରକାରଙ୍କ ନୀତିକୁ ନେଇ ପ୍ରଶ୍ନ ଉଠାଉଛନ୍ତି । ନୁରାନୀଙ୍କ କିଛି ଭିଡିଓକୁ ପାକିସ୍ତାନ ସରକାର ବ୍ଲକ୍ କରିଦେଇଛନ୍ତି । ଅହମଦ ଅପରେସନ ସିନ୍ଦୂରରେ ପାକିସ୍ତାନ ସରକାରଙ୍କ ଉପରେ ମିଛ କହିଥିବା ଅଭିଯୋଗ ଲଗାଇଛନ୍ତି । ଏକ ଭିଡିଓରେ ସେ କହିଛନ୍ତି କି ‘ପାକିସ୍ତାନ ମଧ୍ୟ ଆକ୍ରମଣ କରିଛି କିନ୍ତୁ ଏଥିରେ କ୍ଷତି କାହାର ହୋଇଛି ?’
ଭାରତକୁ ଇଶାରା ଦେଇ ସେ କହିଛନ୍ତି କି ‘ଅନ୍ୟପଟୁ ଯେଉଁ ଆକ୍ରମଣ ହେଲା ସେଥିରେ କ୍ଷତି ହୋଇଛି । ଏହାର ପ୍ରମାଣ ମଧ୍ୟ ଅଛି । ପାକିସ୍ତାନର ଯେତେ ମଧ୍ୟ ସହର ଥିଲା ପ୍ରାୟ… ପାକିସ୍ତାନର ଅନେକ ଛୋଟ ବଡ ସହରରେ ଭାରତୀୟ ଡ୍ରୋନ୍ ଶହ ଶହ ଆସିଥିଲା ଏବଂ ନିଜ କାମ କରୁଥିଲା । ରାଓ୍ବଲପିଣ୍ଡିର ଷ୍ଟାଡିୟମ ହେଉ ବା ପାଖାପାଖି ଅନ୍ୟ କେଉଁ ସ୍ଥାନ, ସବୁଠି କ୍ଷତି ହୋଇଛି । ଏପରିକି ଜୀବନ ହାନି ମଧ୍ୟ ହୋଇଛି । ସାରା ପାକିସ୍ତାନରେ ଭୟର ବାତାବରଣ । ମୁଁ ଆପଣଙ୍କୁ ସତ ରିପୋର୍ଟ କହିବାକୁ ଚାହୁଁଛି, ଆପଣ ମୋତେ ଦେଶଦ୍ରୋହୀ କହିପାରନ୍ତି, ହଜାର ଥର କହିପାରନ୍ତି ।’ ଅହମଦ ନୁରାନୀଙ୍କ ଏହି ଭିଡିଓକୁ ୨ ହଜାରରୁ ଅଧିକ ଲୋକଙ୍କ ପ୍ରତିକ୍ରିୟା ମିଳିଛି ।
କହିରଖୁଛୁ ପାକିସ୍ତାନ ସରକାରଙ୍କ କହିବା ପରେ ୧୧ ମେରେ ପାକିସ୍ତାନ ଲୋକେ ଧନ୍ୟବାଦ ଦିବସ ପାଳନ କଲେ । ଶହବାଦ ସରିଫ ନିଜ ଦେଶବାସୀଙ୍କୁ କହିଲେ କି ୪ ଦିନର ଏହି ଯୁଦ୍ଧରେ ପାକିସ୍ତାନର ବିଜୟ ହେଲା । ସରକାରଙ୍କ ଏହି ଦାବି ପରେ ପାକିସ୍ତାନ ନାଗରିକ ୧୧ ମେରେ ଖୁବ୍ ବାଣ ଫୁଟାଇ ଉତ୍ସବ ପାଳନ କରିଥିଲେ ।
⚡ “Modi is 200% successful, This time they did not kill crows and birds, but they killed our men and went away”: Pakistan’s political analysts Qamar Cheema pic.twitter.com/3tYFQo1GVr
— OSINT Updates (@OsintUpdates) May 13, 2025
କିନ୍ତୁ ପାକିସ୍ତାନର ଏହି ଦାବିରେ କିଛି ବିଶେଷଜ୍ଞ ଓ ସାମ୍ବାଦିକ ପ୍ରଶ୍ନ ଉଠାଉଛନ୍ତି । ଏପରିକି ପାକିସ୍ତାନର ଏକ ନ୍ୟୁଜ ଚ୍ୟାନେଲରେ ଆଲୋଚନା ସମୟରେ ‘ମୋଦୀ ୨୦୦ ପ୍ରତିଶତ ସଫଳ ହେଲେ’ ବୋଲି କୁହାଯାଉଛି ।
କହିରଖୁଛୁ ପାକିସ୍ତାନ ଗଣମାଧ୍ୟମ ବା ୟୁଟ୍ୟୁବରେ କିଛି ମତ ରଖିବା ପୂର୍ବରୁ ପାକିସ୍ତାନ ସେନା ପ୍ରତି ଧ୍ୟାନ ଦେବାକୁ ହୋଇଥାଏ । ସେନା ବିରୁଦ୍ଧରେ କିଛି ବି ଅପମାନଜନକ ମନ୍ତବ୍ୟ ଦିଆଯାଏନି । ଏହା ସତ୍ତ୍ବେ କିଛି ୟୁଟ୍ୟୁବର ଏବଂ ସାମ୍ବାଦିକ ଖୋଲାଖୋଲି ଭାବେ ଅପରେସନ ସିନ୍ଦୂରକୁ ନେଇ ପାକିସ୍ତାନ ସରକାରଙ୍କୁ ପ୍ରଶ୍ନ କରୁଛନ୍ତି ।
