ଲଡୁଗାଁ: ମଙ୍ଗଳବାର ଅପରାହ୍ନରେ ଝଡିବର୍ଷା ପ୍ରଭାବରେ କୋକସରା ବ୍ଲକର ବିଭିନ୍ନ ସ୍ଥାନରେ କ୍ଷୟକ୍ଷତି ହୋଇଥିବା ସୂଚନା ମିଳିଛି। ବରାଡ଼ଙ୍ଗା ପଞ୍ଚାୟତ ଶିଉନି ଗ୍ରାମରେ ଥିବା ଉଚ୍ଚ ପ୍ରାଥମିକ ବିଦ୍ୟାଳୟର ଟିଣ ଛାତ ଝଡ଼ ତୋଫାନ ଯୋଗୁଁ କ୍ଷତିଗ୍ରସ୍ତ ହୋଇଛି। ତେବେ ଏବେ ସ୍କୁଲ ଛୁଟି ଥିବା କାରଣରୁ ପିଲାଏ ଏକ ବଡ଼ ଅଘଟଣରୁ ବର୍ତ୍ତି ଯାଇଛନ୍ତି। ପୂର୍ବ ସରକାର ଅମଳରେ ୨୦୨୩-୨୪ ଆର୍ଥିକ ବର୍ଷ ଆମ ଓଡିଶା ନବୀନ ଓଡିଶା ଅନୁଦାନରୁ ୩ ଲକ୍ଷ ୫୦ ହଜାର ଅଟକଳ ପରିମାଣର ନିର୍ମାଣାଧୀନ ଏହି ବିଦ୍ୟାଳୟର ରୂପାନ୍ତରିକରଣ କାର୍ଯ୍ୟ ନିମ୍ନମାନର ହୋଇଥିବା ଯୋଗୁଁ ଏଭଳି ହୋଇଛି। ଏହା ବ୍ୟତୀତ ୧୪ ନଭେମ୍ବର ୨୦୨୩ରେ କାର୍ଯ୍ୟ ଆରମ୍ଭ ହୋଇଥିଲେ ହେଁ କାର୍ଯ୍ୟ ଶେଷ ତାରିଖ ସମ୍ପୃକ୍ତ ଫଳକରେ ଉଲ୍ଲେଖ ନାହିଁ। ଯାହାକି କିଛି ଅଲଗା ଦିଗକୁ ଗତି କରୁଛି।
ଏ ନେଇ ସ୍ଥାନୀୟ ଜୟନାରାୟନ ପଣ୍ଡା, କମଳ ରାଉତ, ଅମର ସିଂଧ ମାଝୀ, କେଦାର ରାଉତ, ଦେବାନନ୍ଦ ରାଉତ, ଦସମୁ ରାଉତ ପ୍ରମୁଖ ଗ୍ରାମବାସୀମାନେ ଅଭିଯୋଗ କରିଛନ୍ତି।
