ଗଞ୍ଜାମ : ଗଞ୍ଜାମ ସହର ଭାରତୀବିଦ୍ୟା ପୀଠ ପାର୍ଶ୍ୱରେ ରହିଥିବା ମୁକୁଳା ଡ୍ରେନରେ ଏକ ଗାଈ ପଡି ଯନ୍ତ୍ରଣାରେ ଛଟପଟ ହେଉଥିବା ଦେଖିବାକୁ ମିଳିଥିଲା । ଯାହାକୁ ନେଇ ସାଧାରଣରେ ଘୋର ଅସନ୍ତୋଷ ପ୍ରକାଶ ପାଇଥିଲା । ଖବରପାଇ ସ୍ଥାନୀୟ କିଛି ଯୁବ ସ୍ବେଛାସେବୀମାନେ ଉଦ୍ଧାର କରିଥିବା ଜଣାପଡ଼ିଛି । ଏନଏସି କର୍ତ୍ତୃପକ୍ଷ ଅବହେଳା ଯୋଗୁଁ ବିଭିନ୍ନ ସମୟରେ ଉକ୍ତ ଡ୍ରେନରେ ଗାଈ ପଡିଯାଉଥିବା ନଜିର ରହିଛି । ଉକ୍ତ ଡ୍ରେନରେ ଘୋଡଣୀ ନଥିବା ଯୋଗୁଁ ଅନେକ ଛୋଟ ବଡ଼ ଦୁର୍ଘଟଣା ଘଟୁଛି । ଏନଏସି କର୍ତ୍ତୃପକ୍ଷ ଡ୍ରେନରେ ଢ଼ାଙ୍କୁଣୀ ବ୍ୟବସ୍ଥା କରିବା ପାଇଁ ଦାବି ହେଉଛି । ହୋଲି ଦିନ ଗାଇଟି ଉକ୍ତ ଡ୍ରେନରେ ପଡିଯାଇଥିବାବେଳେ ଉକ୍ତ ଗାଈକୁ ଉଦ୍ଧାର କରିବା ପାଇଁ ଏନଏସି କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ହେଲେ ଉକ୍ତ ଗାଈକୁ ଉଦ୍ଧାର କରିବା ପାଇଁ ସେମାନଙ୍କ ପକ୍ଷରୁ କୌଣସି ପଦକ୍ଷେପ ନିଆଯାଇନଥିଲା । ଅନ୍ୟପଟେ ଖବର ପାଇ ଯୁବ ସ୍ବେଛାସେବୀ କେ.ଏଲେୟା ରେଡ୍ଡି, ପ୍ରଭାତ ସାହୁ, ଜିତୁ ବାରିକ, ଆକାଶ ଗୌଡ଼, ସୀମାଞ୍ଚଳ ପ୍ରମୁଖ ପହଞ୍ଚି ଗାଈଟିକୁ ଏକ ରସି ଓ ବଲହା ସାହାଯ୍ୟରେ ଉଦ୍ଧାର କରିଥିଲେ । ଯୁବ ଗୋଷ୍ଠୀଙ୍କ ଏପରି କାର୍ଯ୍ୟକୁ ବିଭିନ୍ନ ମହଲରୁ ଉଚ୍ଚ ପ୍ରଶଂସା କରାଯାଇଛି ।
Popular Categories
Previous article
Next article