ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ବଡଗୁମଳା ଗ୍ରାମରେ ଶତୃତାକୁ କେନ୍ଦ୍ର କରି ବୋମାମାଡ ଘଟଣାରେ ପୁଲିସ ଦୁଇ ଅଭିଯୁକ୍ତକୁ ଗିରଫ ପରେ କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ବଡଗୁମଳା ଗ୍ରାମର ଦୁଇ ଭାଇ ଶ୍ରୀକାନ୍ତ ପାତ୍ର ଓ ସିଦ୍ଧାନ୍ତ ପାତ୍ର ବୋଲି ପୁଲିସ ଦେଇଛି।
ଅଭିଯୋଗ ଅନୁଯାୟୀ ବଡ଼ଗୁମଳାରେ ରହୁଥିବା ଶନିବାର ରାତି ୧୦ ଟା ବେଳେ ଅଭିଯୁକ୍ତ ଦୁଇ ଭାଇ ସମେତ ଅନ୍ୟଜଣେ ମୋଟରସାଇକେଲରେ ଆସିପ୍ରଦୀପ କୁମାର ବେହେରାଙ୍କ ଘର ଉପରକୁ ୨ଟି ବୋମାମାଡ ପରେ ଫେରାର ହୋଇଯାଇଥିଲେ।
ଘଟଣା ନେଇ ପ୍ରଦୀପଙ୍କ ପକ୍ଷରୁ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୁଲିସ ପକ୍ଷରୁ ୮୪/୨୫ ରେ ଏକ ମାମଲା ରୁଜୁ କରିବା ସହ ଦୁଇ ଅଭିଯୁକ୍ତ ଶ୍ରୀକାନ୍ତ ଓ ସିଦ୍ଧାନ୍ତକୁ ଗିରଫ କରି କୋର୍ଟ ଚାଲାଣ କରିଛି।
ଅଭିଯୋଗ କରିଥିବା ପ୍ରଦୀପଙ୍କ ବାପା ସେହି ଗାଁରେ ଅନ୍ୟତ୍ର ରହୁଥିବା ବେଳେ ଅଭିଯୁକ୍ତ ଶ୍ରୀକାନ୍ତଙ୍କ ମୋବାଇଲରୁ ପ୍ରଦୀପକୁ ଫୋନ କରି କଥା ହୋଇଥିଲେ। ଏହାକୁ ପ୍ରଦୀପ ନାପସନ୍ଦ କରିବା ସହ ଏହି ଘଟଣା ନେଇ ଶ୍ରୀକାନ୍ତ ସହ ଝଗଡା ହୋଇଥିଲା। ଏହାକୁ ନେଇ ଶ୍ରୀକାନ୍ତ ଓ ସିଦ୍ଧାନ୍ତ, ପ୍ରଦୀପଙ୍କ ଘର ନିକଟକୁ ଆସି ବୋମାମାଡ଼ କରିଥିବା ପୁଲିସ ସମ୍ମୁଖରେ ଅଭିଯୁକ୍ତମାନେ ବୟାନ ଦେଇଥିଲେ।
