ପୁରୀ:ରେଳ ଯୋଗେ ଗଞ୍ଜେଇ ଚାଲାଣ ଉଦ୍ୟମ ବେଳେ ରେଳବାଇ ଥାନା ପୁଲିସ ଚଢଉ କରି ୨ଜଣଙ୍କୁ ଗିରଫ କରିଛି । ସେମାନଙ୍କ ଠାରୁ ୧୧ କିଲୋ ୩୦୦ ଗ୍ରାମ ଗଞ୍ଜେଇ ଜବତ ହୋଇଛି । ଗିରଫ ଅଭିଯୁକ୍ତ ଦ୍ବୟ ବିହାର ଅଞ୍ଚଳର ବୋଲି ଜଣାପଡିଛି । ରବିବାର ୨ଜଣ ଯୁବକ ବ୍ୟାଗ ଧରି ସନ୍ଦେହଜନକ ଅବସ୍ଥାରେ ପ୍ଲାଟଫର୍ମ ଶୌଚାଳୟ ନିକଟରେ ବୁଲୁଥିଲେ ।
ଖବର ପାଇ ରେଳବାଇ ଥାନା ଅଧିକାରୀ ସନ୍ତୋଷ କୁମାର ବାହିନୀପତିଙ୍କ ନେତୃତ୍ବରେ ଏକ ପୁଲିସଦଳ ସେମାନଙ୍କୁ ଅଟକ ରଖି ପଚରାଉଚରା କରିବା ସହ ବ୍ୟାଗ ଯାଞ୍ଚବେଳେ ସେଥିରେ ଗଞ୍ଜେଇ ରହିଥିବା ଜଣାପଡିଥିଲା । ରେଳବାଇ ପୁଳି ପୁଲିସ ଏନଡିପିଏସ ମାମଲାରେ ବିହାର ପାଟଣା ସିକନ୍ଦ୍ର ଅଞ୍ଚଳର ଛୋଟୁ କୁମାର(୧୯) ଓ ଭୋଜପୁର ବୋଟାସି ଅଞ୍ଚଳର ବିକୁ କୁମାର(୨୦)ଙ୍କୁ ଗିରଫ କରିଛି।
ଅଭିଯୁକ୍ତଦ୍ବୟ ନିଳାଚଳ ଏକ୍ସପ୍ରେସ ଯୋଗେ ଗଞ୍ଜେଇ ନେଇ ଟାଟା ଯିବା ପାଇଁ ଉଦ୍ଯମ କରୁଥିଲେ। ସେମାନଙ୍କ ଠାରୁ ୨ଟି ରେଳ ଟିକେଟ ପୁଲିସ ଜବତ କରିଛି। ସୂଚନାଯୋଗ୍ୟ ଦକ୍ଷିଣ ଓଡିଶାରୁ ଦୁର୍ବୃତ୍ତମାନେ ବେଆଇନ ଭାବେ ବିହାରକୁ ଗଞ୍ଜେଇ ଚାଲାଣ କରୁଥିବା ଜଣାପଡିଛି
Comments are closed.