ନୂଆଦିଲ୍ଲୀ : ନୂଆଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ଷ୍ଟାଡ଼ିୟମରେ ପ୍ରଥମ ପୁରୁଷ ଓ ମହିଳା ଖୋଖୋ ବିଶ୍ବକପ ଚଳିତ ଜାନୁଆରୀ ୧୩ରୁ ୧୯ ପର୍ଯ୍ୟନ୍ତ ଖେଳାଯିବ। ଏଥିରେ ପୁରୁଷ ବିଭାଗରେ ଭାରତ ସମେତ ୨୦ଟି ଓ ମହିଳା ବିଭାଗରେ ୧୯ଟି ଦେଶ ଅଂଶଗ୍ରହଣ କରୁଛନ୍ତି। ଦଳ ଗୁଡ଼ିକୁ ୪ଟି ଗ୍ରୁପରେ ବିଭକ୍ତ କରାଯାଇଛି। ପୁରୁଷ ବର୍ଗରେ ଭାରତ ଗ୍ରୁପ-ଏ ରେ ନେପାଳ, ପେରୁ, ବ୍ରାଜିଲ ଓ ଭୂଟାନ ସହିତ ସ୍ଥାନ ପାଇଛି। ପ୍ରତି ଗ୍ରୁପର ଶ୍ରେଷ୍ଠ ଦୁଇ ଦଳ କ୍ବାର୍ଟର ଫାଇନାଲକୁ ଉନ୍ନୀତ ହେବେ। ଆଜିର ପୁରୁଷ ବର୍ଗରେ ଭାରତ-ନେପାଳ ବିପକ୍ଷରେ ଖେଳି ଅଭିଯାନ ଆରମ୍ଭ କରିବ। ମହିଳା ବର୍ଗରେ ଭାରତ ଗ୍ରୁପ-ଏ ରେ ଇରାନ, ଦକ୍ଷିଣ କୋରିଆ ଓ ମାଲେସିଆ ସହ ସ୍ଥାନ ପାଇଛି। ଭାରତ ୧୪ରେ ଦକ୍ଷିଣ କୋରିଆ ସହ ଖେଳି ଅଭିଯାନ ଆରମ୍ଭ କରିବ। ମ୍ୟାଚ ୭-ଏ ସାଇଡ୍ ଆଧାରରେ ଖେଳାଯିବ। ୧୭ରେ ଉଭୟ ପୁରୁଷ ଓ ମହିଳା ବର୍ଗ କ୍ବାର୍ଟର ଫାଇନାଲ, ୧୮ରେ ସେମିଫାଇନାଲ ଓ ୧୯ରେ ଫାଇନାଲ ଖେଳାଯିବ। ପ୍ରତିଯୋଗିତାରେ ଭାରତୀୟ ଦଳରେ ଓଡ଼ିଶାରୁ ୩ ଖେଳାଳି ସ୍ଥାନ ପାଇଛନ୍ତି। ପୁରୁଷ ଦଳରେ ଏକମାତ୍ର ଓଡ଼ିଆ ଭାବେ ପବନି ଶବର ରହିଥିବାବେଳେ ମହିଳା ଦଳରେ ଦୁଇ ଖେଳାଳି ଶୁଭଶ୍ରୀ ସିଂହ ଓ ମାଗାଇ ମାଝି ରହିଛନ୍ତି। ଉକ୍ତ ୩ ଖେଳାଳି କଳିଙ୍ଗ ଇନ୍ଷ୍ଟିଚ୍ୟୁଟ୍ ଅଫ ସୋସିଆଇ ସାଇନ୍ସରେ ଅଧ୍ୟୟନ କରୁଛନ୍ତି।
Popular Categories
Previous article
Next article