ନୂଆଦିଲ୍ଲୀ : ସାପ-ନେଉଳର ଅନେକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ୍ ହୋଇଥାଏ । ଉଭୟ ପରସ୍ପରର ଶତ୍ରୁ । ସାପକୁ ଦେଖିବା ମାତ୍ରେ ନେଉଳ ତୁରନ୍ତ ଆକ୍ରମଣ କରିଥାଏ । ସାପ-ନେଉଳଙ୍କ ଲଢେଇ ମଧ୍ୟରେ ଅଧିକାଂଶ ସମୟରେ ନେଉଳ ହିଁ ଜିତିଥାଏ ବୋଲି ଦେଖାଯାଏ। ନିକଟରେ ସୋସିଆଲ ମିଡିଆରେ ସାପ ଓ ନେଉଳର ଏଭଳି ଭିଡିଓ ଭାଇରାଲ୍ ହେଉଛି, ଯାହା ସଭିଁଙ୍କ ଧ୍ୟାନକୁ ଆକର୍ଷିତ କରୁଛି।
ଭାଇରାଲ୍ ହେଉଥିବା ଏହି ଭିଡିଓରେ ଦେଖିପାରିବେ, ରାସ୍ତାରେ ନେଉଳ ଯେପରି ଏକ ସାପକୁ ଦେଖୁଛି, ତା’ଉପରେ ଆକ୍ରମଣ କରିବାକୁ ଚେଷ୍ଟା କରୁଛି । ସାପ ଆକ୍ରମଣ କରିବା ସହ ନିଜ ଜୀବନ ବଞ୍ଚାଇବାକୁ ସେଠାରୁ ପଳାଇବାକୁ ବାରମ୍ବାର ଚେଷ୍ଟା କରୁଛି । ବାରମ୍ବାର ଗାତ ମଧ୍ୟକୁ ଯିବାକୁ ମଧ୍ୟ ସାପ ଚେଷ୍ଟା କରୁଛି । ମାତ୍ର ନେଉଳ ସାପ ପଛେ ପଛେ ଗାତ ନିକଟକୁ ଯାଇ ସାପକୁ ଗାତ ନିକଟରୁ ଆଣି ପୁଣି ଆକ୍ରମଣ କରୁଛି । ସାପଟି ପୁଣି ଗାତ ଭିତରକୁ ଯିବା ପରେ ନେଉଳ ମଧ୍ୟ ଗାତ ଭିତରକୁ ଯାଉଛି । ଏଠାରେ ହିଁ ଭିଡିଓ ଶେଷ ହେଉଥିବା ଦେଖାଯାଉଛି । ଭିଡିଓକୁ ଏଯାଏଁ ଲକ୍ଷ ଲକ୍ଷ ଲୋକେ ଦେଖିବା ସହ ଭିନ୍ନ ଭିନ୍ନ ମତ ଦେଇଛନ୍ତି।
That was really swift.
The instinct of mongoose are really lightning😌 pic.twitter.com/EG8z6Z44Mo— Susanta Nanda (@susantananda3) January 7, 2025
ଭାଇରାଲ୍ ହେଉଥିବା ଅନ୍ୟ ଏକ ଭିଡିଓରେ ଦେଖିପାରିବେ, ସାପ ନେଉଳକୁ ନିଜ ସାମ୍ନାରେ ଦେଖି ଆକ୍ରମଣ କରୁଛି । ମାତ୍ର ସାପ ଆକ୍ରମଣରୁ ନେଉଳ ବଞ୍ଚି ଯାଉଛି। ଏହାପରେ ସାପ ଫଣା ଟେକି ପୁଣି ଥରେ ନେଉଳ ଉପରକୁ ଆକ୍ରମଣ କରିବାକୁ ଚେଷ୍ଟା କରୁଛି, ସେହି ସମୟରେ ନେଉଳ ଥରକେ ସାପ ଫଣାକୁ ନିଜ ପାଟିରେ ଧରି ନେଉଛି। ସାପ ଛଟପଟ୍ ହେଉଥିବା ଏହି ୧୦ ସେକେଣ୍ଡର ଭିଡିଓରେ ଦେଖାଯାଉଛି।
Comments are closed.