କଟକ: ଭିଡମୁକ୍ତ ହେବ କଟକ। ରାସ୍ତାରେ ଲାଗିବନି ଗହଳି। ସେନେଇ ଆଜି କଟକ ନୁଆବଜାର ଗୋଶାଳାସ୍ଥିତ ୫୦୦ ମିଟର ଲମ୍ବର ରେଳ ଓଭର ବ୍ରିଜର ଲୋକାର୍ପଣ କରିଲେ ରାଜ୍ୟ ସରକାରଙ୍କ ଆଇନ୍ ଓ ପୂର୍ତ୍ତ ବିଭାଗ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ। ଏହି ଲୋକାର୍ପଣ ଉତ୍ସବରେ ଯୋଗଦେଇ ମାନ୍ୟବର ମନ୍ତ୍ରୀ ଶ୍ରୀ ହରିଚନ୍ଦନ କଟକକୁ ଭିଡରୁ ରକ୍ଷାପାଇଁ କାଠଯୋଡ଼ି ନଦୀ ଉପରେ ଆଉ ଦୁଇଟି ବ୍ରିଜର ପରିକଳ୍ପନା କରାଯାଇଛି। ଜୁଡ଼ିଶିଆଲ ଏକାଡେମୀ ଠାରୁ ତ୍ରିଶୁଲିଆ ପର୍ଯ୍ୟନ୍ତ ୪ ଥାକିଆ ରାସ୍ତା କରାଯିବ ଏବଂ ଜୁଡ଼ିଶିଆଲ ଏକାଡେମୀ ଠାରୁ ଯୋବ୍ରା ପର୍ଯ୍ୟନ୍ତ ୬ ଥାକିଆ ରାସ୍ତା କରାଯିବ।
ଲିଙ୍କ ରୋଡ ଠାରୁ ବସ ଟର୍ମିନାଲ ପର୍ଯ୍ୟନ୍ତ ଦୋହରା ରାସ୍ତାର କାର୍ଯ୍ୟ ଖୁବ୍ ଶୀଘ୍ର ଶେଷ ହେବାକୁ କାର୍ଯ୍ୟ କରୁଥିବା କମ୍ପାନୀକୁ ନିର୍ଦ୍ଦେଶ ଦିଆଯାଇଛି । ସେହି ଭଳି ଏସସିବି ଦ୍ଵିତୀୟ କ୍ୟାମ୍ପସ କାମ ୨୦୨୫ ନଭେମ୍ବର ସୁଦ୍ଧା ଶେଷ ହେବାପାଇଁ ତାରିଖ ଧାର୍ଯ୍ୟ କରାଯାଇଛି । ଯଦି ନିର୍ଦ୍ଧିଷ୍ଟ ସମୟ ମଧ୍ୟରେ କମ୍ପାନୀ କାର୍ଯ୍ୟ ଶେଷ ନକରେ ତେବେ ତାକୁ ଦଣ୍ଡିତ ହେବାକୁ ପଡ଼ିବ। କଟକକୁ ସୁନ୍ଦର୍ ରୂପ ଦେବା ପାଇଁ ପ୍ରଚେଷ୍ଟା କରାଯିବ ବୋଲି ମନ୍ତ୍ରୀ ସୂଚନା ଦେଇଛନ୍ତି । ଏହି ଲୋକାର୍ପଣ ଉତ୍ସବରେ ସାଂସଦ ଭର୍ତୃହରି ମହତାବ, ବିଧାୟକ ସୌଭିକ୍ ବିଶ୍ଵାଳ, ସୋଫିଆ ଫିର୍ଦୋସ, ପ୍ରକାଶ ଚନ୍ଦ୍ର ସେଠୀ, ସାରଦା ପ୍ରଧାନ ଙ୍କ ସମେତ ବିଜେପିର ବହୁ ବରିଷ୍ଠ ନେତୃମଣ୍ଡଳୀ ଉପସ୍ଥିତ ଥିଲେ।
Comments are closed.