କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଳକ ପଲମା ଗ୍ରାମ ପଞ୍ଚାୟତର ବୁର୍ଜୁଗୁଡା ଗାଁ ରାସ୍ତା ଅତି ଶୋଚନୀୟ ହୋଇଥିବା ଦେଖିବାକୁ ମିଳିଛି। ବୁର୍ଜୁଗୁଡା ଠାରୁ ଆରଡି ରାସ୍ତାକୁ ସଂଯୋଗ ହୋଇଛି। ଏହି ରାସ୍ତା ମରାମତି କରିବା ପାଇଁ ବୁର୍ଜୁଗୁଡା ଗ୍ରାମବାସୀ ପଞ୍ଚାୟତ ଠାରୁ ବ୍ଲକ ପର୍ଯ୍ୟନ୍ତ ଓ ଜନ ପ୍ରତିନିଧି ମାନଙ୍କୁ ବାରମ୍ବାର ଗୁହାରି କରି ଆସୁଥିଲେ ମଧ୍ୟ କୌଣସି ସୁଫଳ ପାଇ ପାରି ନଥିବା କହିଛନ୍ତି। ଆରଡି ରାସ୍ତା ଠାରୁ ମାତ୍ର ୫୦୦ ମିଟର ଦୂରରେ ଏହି ଗାଁ ରହିଛି। ଉକ୍ତ ଗାଁକୁ ରାସ୍ତାଟି ଚିକିଟା ମାଟି ହୋଇଥିବାରୁ ଅଳ୍ପ ବର୍ଷା ହେଲେ ରାସ୍ତାଟି ଅତି ଶୋଚନୀୟ ହୋଇଯାଉଛି।
ଭାରତୀୟଙ୍କ ପାଇଁ ଚାକିରି; ୨ ଲକ୍ଷ ଦରମା, ମାଗଣାରେ ରହିବା,ଖାଇବା, ଚିକିତ୍ସା : ଏଠାରେ ମିଳିବ ନିଯୁକ୍ତି..
ଯାହା ଫଳରେ ରୋଗୀ, ଗର୍ଭବତୀଙ୍କୁ ମେଡ଼ିକାଲ ନେବାକୁ ହେଲେ ଆମ୍ବୁଲାନ୍ସ ଆସି ପାରୁନାହିଁ। ଗାଁ ଠାରୁ ଆରଡି ରାସ୍ତା ପର୍ଯ୍ୟନ୍ତ ଖଟିଆ କିମ୍ବା ଭାରରେ ବୋହି ନେବାକୁ ପଢୁଛି ତାହା ମଧ୍ୟ ଚିକିଟା ମାଟି ହୋଇଥିବାରୁ ଗୋଡ଼ ଖସି ଯାଉଛି । ବହୁତ ସାବଧାନ ରେ ଯିବାକୁ ପଡୁଛି। ନୀରିହ ଗରିବ ଲୋକମାନଙ୍କୁ ଅସୁବିଧାର ସମ୍ମୁଖିନ ହେବାକୁ ପଡୁଛି। ସରକାର ରାସ୍ତାଘାଟ, ପିଇବା ପାଣି ପାଇଁ କୋଟି କୋଟି ଟଙ୍କା ଖର୍ଚ୍ଚ କରି ଆସୁଛି ଥିବା ବେଳେ ଏଥି ପ୍ରତି ସରକାରଙ୍କ ଦୃଷ୍ଟି କାହିଁକି ପଡୁନି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି। ଏହି ଗାଁ ରାସ୍ତାକୁ ତୁରନ୍ତ ମରାମତି କରିବା ପାଇଁ ଗାଁର ବଳରାମ କୌଶଲ୍ୟା, ମଙ୍ଗୁଲୁ ଗାଣ୍ଟା, ସହଦେବ କୌଶଲ୍ୟା, ମହେଶ୍ୱର କୌଶଲ୍ୟା, ନରେନ୍ଦ୍ର କୌଶଲ୍ୟା ଓ ନାଗେଶ୍ୱର କୌଶଲ୍ୟା ଦାବି କରିଛନ୍ତି।
Comments are closed.