ଆଠଗଡ : ଆଠଗଡ ବ୍ଲକର ରାଧାଗୋବିନ୍ଦପୁର ପଞ୍ଚାୟତ ଅଧିନ ଲକ୍ଷ୍ମୀନାରାୟଣପୁର ଶବର ସାହିର ମୋହିନୀ ମା ଧାନଘରିଆଣୀ ପୀଠରେ ଶାନ୍ତି ମହାଯଜ୍ଞ ଓ ବଡପଣା ଭୋଗ କାର୍ଯ୍ୟକ୍ରମ ଏକ ଭକ୍ତିମୟ ପରିବେଶରେ ଅନୁଷ୍ଠିତ ହେଉଛି । ଶନିବାର ଶୁଭ ଅଧିବାସ ଓ ଅଙ୍କୁରାରୋପଣ ପରେ ରବିବାର ଗ୍ରାମର ଶତାଧିକ ମହିଳା ଓ ପୁରୁଷ ଶ୍ରଦ୍ଧାଳୁ ମହାନଦୀରୁ ଜଳକଳସ ଧାରଣ କରି ଶୋଭାଯାତ୍ରାରେ ଆସିବା ପରେ ଯଜ୍ଞ ସ୍ଥଳୀରେ ଘଟ ସ୍ଥାପନା, ସୂର୍ଯ୍ୟପୂଜା ଅନ୍ତେ ଯଜ୍ଞ କୁଣ୍ଡରେ ଅଗ୍ନି ସ୍ଥାପନା କରାଯାଇଥିଲା । ସୋମବାର ଧେନୁ ପୂଜା ଓ ସୂର୍ଯ୍ୟପୂଜା ସହ ଘୃତଯଜ୍ଞ କାର୍ଯ୍ଯ ଯଥାବିଧି ଅବ୍ୟାହତ ରହିଛି । ମଙ୍ଗଳବାର ଅନ୍ଯାନ୍ଯ ପୂଜାନୀତି ସହ ଅପରାହ୍ନରେ ମା’ଙ୍କ ନିକଟରେ ବଡପଣା ଲାଗି ହେବା ପରେ ଘୃତଯଜ୍ଞର ପୂର୍ଣ୍ଣାହୁତି ହେବ । ସିଆରିଆ ଓ ଲକ୍ଷ୍ମୀନାରାୟଣପୁର ଆଶ୍ରମର ମଠାଧିଶ ସଦାନନ୍ଦ ଦାସ ମହାରାଜଙ୍କ ପୌରୋହିତ୍ୟରେ ଆୟୋଜିତ ହେଉଥିବା ଏହି ମହାଯଜ୍ଞର ପୁରୋଧା ଭାବେ ପଣ୍ଡିତ ଦିଲ୍ଲୀପ ଆଚାର୍ଯ୍ଯ ଓ ପଣ୍ଡିତ ମାନସ ଦାସ ଯଜ୍ଞାଦି କାର୍ଯ୍ୟ ସମ୍ପାଦନ କରୁଛନ୍ତି । ମା’ ଧାନଘରିଆଣି ପୀଠରେ ଏହି ମହାଯଜ୍ଞ ଉପଲକ୍ଷେ ଭଜନକୀର୍ତ୍ତନ ସହ ସମଗ୍ର ଗ୍ରାମ ଉତ୍ସବମୁଖର ହୋଇଉଠିଛି।
Popular Categories
Previous article
Next article