ଭୁବନେଶ୍ବର : ଖୁବ ଶୀଘ୍ର ପରଦାରେ ନଜର ଆସିବ ଓଡ଼ିଆ ଚଳଚ୍ଚିତ୍ର ‘କେମିତି ପ୍ରେମ’ । ଏନେଇ ଫିଲ୍ମ ନିର୍ମାତା ସୂଚନା ଦେଇଛନ୍ତି । ତେବେ ଫିଲ୍ମ କେବେ ମୁକ୍ତିଲାଭ କରିବ ସେନେଇ ଖୁଲାସା କରିନାହାଁନ୍ତି ନିର୍ମାତା । ‘କେମିତି ପ୍ରେମ’ରେ ନିଆରା ପ୍ରେମ କାହାଣୀ ଦେଖିବାକୁ ମିଳିବ । ଫିଲ୍ମଟି ସବୁ ବର୍ଗର ଦର୍ଶକଙ୍କୁ ପସନ୍ଦ ଆସିବ ବୋଲି ଟିମ୍ କହିଛି । ‘ମା ଧନଲକ୍ଷ୍ମୀ ପ୍ରଡକ୍ସନ’ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରରେ ଧୀରେନ୍ଦ୍ର ତ୍ରିପାଠୀ ପ୍ରଯୋଜକ ଥିବାବେଳେ ନିଜେ ହିରୋ ରୂପେ ନଜର ଆସିବେ । ଖଳନାୟକ ରୂପେ କଳାକାର ରାବଣ ନଜର ଆସିବେ ।
ସିନେମାର ନିର୍ଦ୍ଦେଶନା ଦେଇଛନ୍ତି ଆନନ୍ଦ କୁମାର । କହିରଖୁଛୁ ପୂର୍ବରୁ ଅନେକ ମ୍ୟୁଜିକ ଭିଡିଓ ଓ ଫିଲ୍ମ କରିସାରିଛନ୍ତି ଆନନ୍ଦ । ସିନେମାର କାହାଣୀ ଲେଖିଛନ୍ତି ଆଶୁତୋଷ ବାରିକ । ନାୟିକା ରୂପେ ନଜର ଆସିବେ ପ୍ରିୟଙ୍କା ସାହୁ । ପୂର୍ବରୁ ୮ଟି ଫିଲ୍ମରେ ହିରୋଇନ୍ ଭାବେ ଦର୍ଶକଙ୍କ ହୃଦୟ ଜିତିଛନ୍ତି ପ୍ରିୟଙ୍କା । ସହ କଳାକାର ରୂପେ ରାକେଶ ଦେଓ, ପ୍ରିୟଙ୍କା ପାଣିଗ୍ରାହୀ, ଗୁଡୁ, ମିତା ଚକ୍ରବର୍ତ୍ତୀ, କୁସୁମ ତ୍ରିପାଠୀ, ଲଲାଟେନ୍ଦୁ, ସୁଶାନ୍ତ ସୁସୁ, ଟୁନା ଟନ୍ ଟନ୍, ମହେଶ ରାଓ, ଶୁଭଶ୍ରୀ, ନିହାର ରଞ୍ଜନ ମିଶ୍ର ନଜର ଆସିବେ ।
Comments are closed.