ଭୁବନେଶ୍ବର : ଆଗାମୀ ଓଡ଼ିଆ ଫିଲ୍ମ ‘ସ୍କୁଲ ଡାଏରୀ’ର ଶୁଭ ମହୂରତ ହୋଇଯାଇଛି । ଶ୍ରୀ ଗଣେଷ ପ୍ରଡକ୍ସନ ବ୍ୟାନରରେ ସିନେମାର ସୁଟିଂ ଆରମ୍ଭ ହୋଇଯାଇଛି । ଦର୍ଶକଙ୍କୁ ଏକ ଭିନ୍ନ ଅନୁଭୂତି ପ୍ରଦାନ କରିବା ଭଳି କାହାଣୀ ଏଥିରେ ଦେଖିବାକୁ ମିଳିବ । ସ୍ମାର୍ଟଫୋନ ଓ ସାମାଜିକ ଗଣମାଧ୍ୟମର ବହୁଳ ବ୍ୟବହାର ଜଣେ ଛାତ୍ର ଜୀବନରେ କିଭଳି ପ୍ରଭାବ ପକାଉଛି ତାହା ଏହି ସିନେମାରେ ଦେଖିବାକୁ ମିଳିବ । କାହାଣୀରେ ପ୍ରେମ, ଅପରାଧ ସବୁକିଛି ଦେଖିବାକୁ ମିଳିବ । ପରଦାରେ ସିନେମାଟି ଦର୍ଶକଙ୍କୁ ସ୍କୁଲ ସମୟର ଅତୀତକୁ ଫେରାଇନେବ ବୋଲି ନିର୍ମାତା କହିଛନ୍ତି ।
ସିନେମାର ପ୍ରଯୋଜକ ହେଉଛନ୍ତି ଲଗ୍ନା ସ୍ବାଇଁ ଓ ସମ୍ବିତ୍ ବାରିକ୍ । ଲାଇନ୍ ପ୍ରଡ୍ୟୁସର ଗଣେଶ ପଣ୍ଡା ଓ ରବି କୁମାର ଶତପଥୀ । ସିନେମାର ନିର୍ଦ୍ଦେଶନା ଦେଉଛନ୍ତି ସମ୍ବିତ ବାରିକ । ପୂର୍ବରୁ ସମ୍ବିତ୍ ଅନେକ ଧାରାବାହିକ ଓ ସିନେମାର ନିର୍ଦ୍ଦେଶନା ଦେଇସାରିଛନ୍ତି । ସଂଳାପ ରଚନା ଡ. ରଜନୀ ରଞ୍ଜନ କରିଥିବାବେଳେ ଗୀତ ରଚନା କରିଛନ୍ତି ଡ. ନିର୍ମଳ ନାୟକ ଓ ଅରୁଣ ମନ୍ତ୍ରୀ । ସେହିଭଳି ଗୀତକୁ ସଙ୍ଗୀତରେ ସଜାଇଛନ୍ତି ପ୍ରଶାନ୍ତ ପାଢୀ । ନାୟକ ଭୂମିକାରେ ପ୍ରେମ ଓ ନାୟିକା ଭାବେ ଅକ୍ଷିତା ଓ ଦିବ୍ୟା ନଜର ଆସିବେ । ଉଭୟ ହିରୋ ଓ ୨ ହିରୋଇନ୍ ଏହି ସିନେମା ମାଧ୍ୟମରେ ଓଲିଉଡ ଜଗତରେ ନିଜ ଡେବ୍ୟୁ କରୁଛନ୍ତି । ସେମାନଙ୍କ ସହ ଚୌଧୁରୀ ଜୟପ୍ରକାଶ ଦାଶ, ସସ୍ମିତା ଅପା ଓ ରବି ମିଶ୍ର ମୁଖ୍ୟ ଭୂମିକାରେ ନଜର ଆସିବେ । ମିଡିଆ ପ୍ଲାନର ଭାବେ ଅମରେଶ ଦାୟିତ୍ବ ତୁଲାଉଛନ୍ତି ।
Comments are closed.