ବେଜିଂ : ଭାରତ ପଡୋଶୀ ଦେଶ ଚୀନ ଏକ ଅତ୍ୟାଧୁନିକ ସାମୁଦ୍ରିକ ରାଡ଼ର ବିକଶିତ କରିଥିବା ଜାଣିବାକୁ ମିଳିଛି। ଏହି ରାଡ଼ର ପୂରା ଭାରତ ଉପରେ ନଜର ରଖିପାରିବ। ଏହି ରାଡ଼ର ବହୁ ଶକ୍ତିଶାଳୀ ଏବଂ କ୍ଷମତା ବହୁ ଅଧିକ ରହିଛି। ଏହା କୌଣସି ଛୋଟ ଅଞ୍ଚଳ ନୁହଁ ବରଂ ଭାରତର ସମସ୍ତ କୋଣ ଅନୁକୋଣ ଉପରେ ନଜର ରଖିପାରିବ। ଚୀନ ଗଣମାଧ୍ୟମରେ ବୁଧବାର ପ୍ରକାଶିତ ରିପୋର୍ଟ ଅନୁସାରେ ଘରୋଇସ୍ତରରେ ଏହି ରାଡ଼ର ବିକଶିତ କରାଯାଇଛି। ଚୀନର ନୌସେନା ପାଇଁ ଏହି ରାଡ଼ରକୁ ପ୍ରସ୍ତୁତ କରାଯାଇଛି ଓ ଏହା ଦକ୍ଷିଣ ଚୀନ ସାଗର ସହ ଆଖପାଖ ସମୁଦ୍ର ଉପରେ ନଜର ରଖିବ। ଅତ୍ୟାଧୁନି ଜ୍ଞାନକୌଶଳରେ ନିର୍ମିତ ଅନ୍ୟ ରାଡର ତୁଳନାରେ ଏହି ରାଡ଼ର ଶତ୍ରୁ ପକ୍ଷର ଯୁଦ୍ଧ ବିମାନ, ବୁଡ଼ା ଜାହାଜ ଏବଂ କ୍ଷେପଣାସ୍ତ୍ର ସମ୍ପର୍କରେ ବହୁ ଆଗରୁ ସତର୍କ କରାଇଦେବ। ଓଭର ଦି ହରାଇଜନ (ଓଟିଏଚ୍) ନାମକ ଚୀନର ଏହି ରାଡ଼ର ପ୍ରୋଗାମରେ ସାମିଲ ବୈଜ୍ଞାନିକଙ୍କ କହିବା ଅନୁସାରେ ଚାଇନିଜ ଆକାଡେମୀ ଅଫ ସାଇନସେସ୍ (ସିଏଏସ୍)ର ଶିକ୍ଷାବିତ୍ ଲିୟୁ ୟୋଙ୍ଗତାନ ଏହାକୁ ବିକଶିତ କରିଛନ୍ତି।
ଏହି ନୂଆ ରାଡର ଦ୍ୱାରା ଚୀନର ସାମରିକ ଶକ୍ତି ବୃଦ୍ଧି ପାଇଛି। ନିକଟରେ ଚୀନ ତିବ୍ବତରେ ହାଲକା ଯୁଦ୍ଧ ଟ୍ୟାଙ୍କ ଓ ହାଉତିଜର ତୋପ୍ ମୁତୟନ କରିଛି। ଏହି ନୂଆ ରାଡର ଏବେ ଭାରତ ପାଇଁ ଚିନ୍ତାର କାରଣ ସାଜିଛି।
ଚୀନର ନୂଆ ରାଡ଼ର, ପୂରା ଭାରତ ଉପରେ ରଖିବ ନଜର
Popular Categories
Previous article
Next article