ନୂଆଦିଲ୍ଲୀ : ନିର୍ବାଚନ ଆୟୋଗରେ ପଞ୍ଜିକରଣ ପାଇଁ ମଙ୍ଗଳବାର ୭ଟି ନୂଆ ରାଜନୈତିକ ଦଳ ଆବେଦନ କରିଛନ୍ତି। ୨୦୧୯ ସାଧାରଣ ନିର୍ବାଚନରେ ଭାଗ ନେବା ପାଇଁ ଏହି ନୂଆ ରାଜନୈତିକ ଦଳଗୁଡ଼ିକ ପ୍ରସ୍ତୁତି ଚଳାଇଛନ୍ତି। ସେହି କ୍ରମରେ ଏହି ଦଳଗୁଡ଼ିକ ଆବେଦନ କରିଛନ୍ତି। ପଞ୍ଜିକରଣ ଆବେଦନ କରିଥିବା ଏହି ନୂଆ ଦଳଗୁଡ଼ିକ ହେଲା ଭାରତୀୟ ବିକାଶ ଦଳ (ସଂଯୁକ୍ତ), ଲୋକତାନ୍ତ୍ରିକ ଜନତା ସ୍ୱରାଜ ଦଳ, ଜାତୀୟ ଅୱାମୀ ସଂଯୁକ୍ତ ଦଳ, ପୂର୍ବାଞ୍ଚଳ ନବନିର୍ମାଣ ଦଳ, ରାଷ୍ଟ୍ରୀୟ ଜନଶକ୍ତି ସମାଜ ଦଳ, ସାକାଲା ଜାନୁଲା ଦଳ, ସ୍ୱତନ୍ତ୍ର ଦଳ। ଚଳିତ ବର୍ଷ ଏପ୍ରିଲ କିମ୍ବା ମେ’ ମାସରେ ଲୋକସଭା ନିର୍ବାଚନ ହେବ ବୋଲି ଆଶା କରାଯାଉଛି। ଏହା ପୂର୍ବରୁ ଉପରୋକ୍ତ ଦଳଗୁଡ଼ିକ ପଞ୍ଜିକରଣ କରିବାକୁ ଚାହୁଁଛନ୍ତି। ପ୍ରକାଶ ଯେ ଏବେ ପାଖାପାଖି ୨୦୦୦ ପଞ୍ଜିକୃତ ରାଜନୈତିକ ଦଳ ଅଛନ୍ତି। ସେଥିମଧ୍ୟରୁ ମାତ୍ର କିଛି ଦଳକୁ ନିର୍ବାଚନ ଆୟୋଗ ରାଜନୈତିକଳ ଦଳର ମାନ୍ୟତା ପ୍ରଦାନ କରିଛନ୍ତି। ମାନ୍ୟତା ପ୍ରାପ୍ତ ଦଳଗୁଡ଼ିକ ମଧ୍ୟରେ ୭ଟି ଜାତୀୟ ଦଳ ଏବଂ ୫୯ଟି ଆଞ୍ଚଳିକ ଦଳ ଅଛନ୍ତି।
