ଭୁବନେଶ୍ୱର : ଚଳିତବର୍ଷ ରାଜ୍ୟ ସରକାର ଚାଷୀଙ୍କଠାରୁ ସିଧାସଳଖ ତୈଳବୀଜ ଫସଲ ତଥା ଡାଲିଜାତୀୟ ଶସ୍ୟ ପ୍ରଥମଥର ପାଇଁ କିଣିବାକୁ ପ୍ରସ୍ତୁତ ହେଉଛନ୍ତି। ଜାନୁଆରୀ ପହିଲାରୁ ରାଜ୍ୟ ସରକାର ରାଜ୍ୟର ସମସ୍ତ ପ୍ରାଥମିକ କୃଷି ସମବାୟ ସମିତି(ପାକ୍ସ) ଜରିଆରେ କିଣିବେ। ଏହି ସମୟରେ ଚାଷୀଙ୍କଠାରୁ ବର୍ଦ୍ଧିତ ଦରରେ ସରକାର ଡାଲି ଜାତୀୟ ଫସଲ କିଣିବେ। ତେବେ ବିଭିନ୍ନ ଡାଲି ଜାତୀୟ ଫସଲ ମଧ୍ୟରେ ମୁଗ କୁଇଣ୍ଟାଲ ପିଛା ସରକାର ୧୪୦୦ଟଙ୍କା ବୃଦ୍ଧି କରିଛନ୍ତି। ଏନେଇ ଗ୍ରାମାଞ୍ଚଳ ଲୋକେ ଯେଭଳି ସଚେତନ ରହିବେ ଏବଂ ଉଚିତ୍ ଦର ପାଇବେ ସେଥିପ୍ରତି ଦୃଷ୍ଟି ଦେବାକୁ କୃଷି ବିଭାଗକୁ ମୁଖ୍ୟଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ ନିର୍ଦେଶ ଦେଇଛନ୍ତି।
ଶନିବାର ସଚିବାଳୟରେ ଅନୁଷ୍ଠିତ ସହାୟକ ମୂଲ୍ୟ ଯୋଜନାର ଉଚ୍ଚସ୍ତରୀୟ ବୈଠକରେ ଶ୍ରୀ ପାଢ଼ୀ କହିଥିଲେ ଯେ ପ୍ରଥମ ଥର ପାଇଁ ଏହି ପଦକ୍ଷେପ ସରକାର ନେଉଥିବାରୁ ଏ ଦିଗରେ ଯେଭଳି ଗ୍ରାମାଞ୍ଚଳ ଲୋକେ ଅଧିକ ସଚେତନ ହେବେ ଏବଂ ଫାଇଦା ପାଇବେ ସେଥିପ୍ରତି ଦୃଷ୍ଟି ଦିଅ। ବୈଠକରେ କୃଷି ବିଭାଗ ପ୍ରମୁଖ ଶାସନ ସଚିବ ସୌରଭ ଗର୍ଗ କହିଥିଲେ ଯେ ତୈଳଜାତୀୟ ଫସଲର ବଜାର ଦର ଉତ୍ପାଦନ
