ଭୁବନେଶ୍ବର: ଆଜି ଭୁବନେଶ୍ବର ଏସିଆର ଷଷ୍ଠ ଉତ୍ତପ୍ତ ସହର ହୋଇଛି। ୧୦ ଉତ୍ତପ୍ତ ସହର ତାଲିକାରେ ଷଷ୍ଠ ସ୍ଥାନ ପାଇଛି ରାଜଧାନୀ ଭୁବନେଶ୍ବର। ୪୩.୫ ଡିଗ୍ରୀ ସହ ଏସିଆର ଷଷ୍ଠ ସ୍ଥାନରେ ଭୁବନେଶ୍ବର ରହିଛି ବୋଲି ପାଣିପାଗ ବିଜ୍ଞାନୀ ଉମାଶଙ୍କର ଦାସ ସୂଚନା ଦେଇଛନ୍ତି। ୧୦ ଉତ୍ତପ୍ତ ସହର ତାଲିକାରେ ଭାରତର ୫ ସହର ରହିଥିବାବେଳେ ୪୫.୭ ଡିଗ୍ରୀ ସହ ମିଆଁମାର ଚାଉକ ସହର ସର୍ବାଧିକ ଉତ୍ତପ୍ତ ବୋଲି ସେ ପ୍ରକାଶ କରିଛନ୍ତି।
ଉପାନ୍ତରୁ ଉପକୂଳ ରାଜ୍ୟ ତମାମ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଅନୁଭୂତ ହେଉଛି। ଆଜି ୪୦ ଡିଗ୍ରୀ ଉପରେ ରାଜ୍ୟର ୨୫ ସହର ରହିଥିଲା। ୪୩.୫ ସହ ରାଜଧାନୀ ଭୁବନେଶ୍ବର ସର୍ବାଧିକ ଉତ୍ତପ୍ତ ସହର ପାଲଟିଥିଲା। ସେହିପରି ରାଜ୍ୟର ଅନ୍ୟତମ ଉତ୍ତପ୍ତ ସହର ଭାବେ ପାରଳାଖେମୁଣ୍ଡି ୪୨.୬, ତାଳଚେର ୪୨.୪, ମାଲକାନଗିରି ଓ ବୌଦ୍ଧ ୪୨.୨, ଅନୁଗୋଳ ୪୨.୧, ବଲାଙ୍ଗିର, ଟିଟିଲାଗଡ଼, ନୟାଗଡ଼ ୪୧, କଟକ ୪୦.୬ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ଆସନ୍ତାକାଲି ସୁଦ୍ଧା ରାଜ୍ୟର ୧୪ଟି ଜିଲାକୁ ହିଟୱେଭ ପାଇଁ ୟେଲୋ ସୂଚନା ଜାରି କରାଯାଇଛି।
ଆଜି ଦିନ ୨ଟା ୩୦ ସୁଦ୍ଧା ରେକର୍ଡ ତାପମାତ୍ରା
ଭୁବନେଶ୍ୱର : ୪୩.୨°C
ସମ୍ବଲପୁର: ୪୦.୮°C
ହୀରାକୁଦ: ୪୦.୬°C
ଚାନ୍ଦବାଲି: ୪୦.୬°C
ଝାରସୁଗୁଡା: ୪୦.୨°C
ରାଉରକେଲା: ୩୯.୬°C
କେନ୍ଦୁଝର: ୩୯°C
ବାଲେଶ୍ୱର: ୩୭.୮°C
ପୁରୀ: ୩୩°C
ଗୋପାଳପୁର: ୩୨.୨°C
ପାରାଦୀପ: ୩୨°C
