ଡେସ୍କ: ଅବକାରୀ ନୀତି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ, ଇଡିର ସମନକୁ ଅମାନ୍ୟ କରିଥିବାରୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ ନ କରିବା ପାଇଁ ଆଜି ଦିଲ୍ଲୀର ରାଉଜ୍ ଆଭେନ୍ୟୁ କୋର୍ଟ ଜାମିନ ପ୍ରଦାନ କରିଛନ୍ତି। ଦିଲ୍ଲୀ ମୁଖ୍ୟମନ୍ତ୍ରୀ ଭାରତୀୟ ପିଙ୍ଗଳ ପ୍ରୋସିଜର କୋଡର ଧାରା ୧୭୪କୁ ଅବମାନନା କରିଥିଲେ। ଏହି ଧାରା କୌଣସି ବ୍ୟକ୍ତି କିମ୍ବା ଏଜେଣ୍ଟଙ୍କ ଦ୍ୱାରା ଆଇନଗତ ଆଦେଶକୁ ଅବମାନନା କରିବା ସହିତ ଜଡିତ।
- Advertisement -
ଆମ୍ ଆଦମୀ ପାର୍ଟି ଇଡି ଜାରି କରିଥିବା ସମନକୁ ଅଣଦେଖା କରୁଛି ବୋଲି ପ୍ରବର୍ତ୍ତନ ନିର୍ଦ୍ଦେଶାଳୟ ଅଭିଯୋଗ କରିବା ପରେ କେଜ୍ରିୱାଲ କୋର୍ଟରେ ହାଜର ହୋଇଥିଲେ। ଇଡି କୋର୍ଟଙ୍କୁ ଏହା ମଧ୍ୟ କହିଛି ଯେ ମୁଖ୍ୟମନ୍ତ୍ରୀ ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ (ପିଏମଏଲଏ) ଅଧୀନରେ ଜାରି ହୋଇଥିବା ୮ଟି ସମନକୁ ଅଣଦେଖା କରିଛନ୍ତି। ମାମଲାର ପରବର୍ତ୍ତୀ ଶୁଣାଣି ଏପ୍ରିଲ ପହିଲାକୁ ଧାର୍ଯ୍ୟ କରାଯାଇଛି।
