ଡେସ୍କ: ବିହାରରେ ନୀତୀଶ କୁମାରଙ୍କ ନେତୃତ୍ୱାଧୀନ ସରକାର ୨୧ ଜଣ ନୂଆ ମନ୍ତ୍ରୀଙ୍କୁ ବିଭାଗ ବଣ୍ଟନ କରିଛନ୍ତି। ସାଧାରଣ ପ୍ରଶାସନ, ଗୃହ, କ୍ୟାବିନେଟ୍ ସଚିବାଳୟ, ଭିଜିଲାନ୍ସ ଓ ନିର୍ବାଚନ ବିଭାଗକୁ ମୁଖ୍ୟମନ୍ତ୍ରୀ ନୀତୀଶ କୁମାର ନିଜ ପାଖରେ ରଖିଛନ୍ତି। ଜେଡିୟୁର ଅଧିକାଂଶ ମନ୍ତ୍ରୀଙ୍କ ବିଭାଗରେ କୌଣସି ଅଦଳବଦଳ ହୋଇନାହିଁ।
ବରିଷ୍ଠ ବିଜେପି ନେତା ତଥା ପୂର୍ବତନ ଉପମୁଖ୍ୟମନ୍ତ୍ରୀ ରେଣୁ ଦେବୀଙ୍କୁ ମତ୍ସ୍ୟ ଓ ପଶୁପାଳନ ଏବଂ ମଙ୍ଗଳ ପାଣ୍ଡେଙ୍କୁ ସ୍ୱାସ୍ଥ୍ୟ ଓ କୃଷି ବିଭାଗ ଦିଆଯାଇଛି। ବିଜେପି ନେତା ନୀରଜ କୁମାର ସିଂହଙ୍କୁ ଜନସ୍ୱାସ୍ଥ୍ୟ ଓ ଇଞ୍ଜିନିୟରିଂ ମନ୍ତ୍ରୀ କରାଯାଇଛି। ନୀତୀଶ ମିଶ୍ରଙ୍କୁ ବିହାରର ନୂତନ ଶିଳ୍ପ ଓ ପର୍ଯ୍ୟଟନ ମନ୍ତ୍ରୀ ଏବଂ ନୀତିନ ନବିନଙ୍କୁ ଆଇନ ଓ ନଗର ଉନ୍ନୟନ ଏବଂ ଗୃହ ନିର୍ମାଣ ବିଭାଗ ଦିଆଯାଇଛି।
ନିର୍ବାଚନ କାର୍ଯ୍ୟସୂଚୀ ଘୋଷଣାକୁ ରାଜନୈତିକ ନେତା ଓ ଦଳ ପକ୍ଷରୁ ସ୍ୱାଗତ
ପ୍ରଥମ ଥର ପାଇଁ ମନ୍ତ୍ରୀ ସୁରେନ୍ଦ୍ର ମେହେଟ୍ଟା କ୍ରୀଡ଼ା ବିଭାଗର ଦାୟିତ୍ୱ ତୁଲାଇବେ ଏବଂ ସନ୍ତୋଷ କୁମାର ସିଂହ ଶ୍ରମ ସମ୍ପଦ ବିଭାଗର ଦାୟିତ୍ୱ ତୁଲାଇବେ। ଭାରତୀୟ ପ୍ରଶାସନିକ ସେବା ଅଧିକାରୀରୁ ରାଜନେତା ପାଲଟିଥିବା ସୁନୀଲ କୁମାର ରାଜ୍ୟର ଶିକ୍ଷାମନ୍ତ୍ରୀ ହେବେ।
ଜେଡିୟୁ ନେତା ଅଶୋକ ଚୌଧୁରୀଙ୍କୁ ଗ୍ରାମ୍ୟ ପୂର୍ତ୍ତ ବିଭାଗ, ଲେସି ସିଂହଙ୍କୁ ଖାଦ୍ୟ ଓ ଖାଉଟି ବ୍ୟାପାର ବିଭାଗ ଏବଂ ମଦନ ସାହାନି ସମାଜ କଲ୍ୟାଣ ବିଭାଗ ଦିଆଯାଇଛି। ଜେଡିୟୁର ରତ୍ନେଶ ସର୍ବଦା ନିଷେଧ, ଅବକାରୀ ଓ ପଞ୍ଜୀକରଣ ମନ୍ତ୍ରୀ ରହିବେ।
Comments are closed.