ଫୁଲବାଣୀ,ରାଇକିଆ : କନ୍ଧମାଳ ଜିଲ୍ଲା ରାଇକିଆ ବ୍ଲକ ପେଟାପାଙ୍ଗା ପଞ୍ଚାୟତର ଡାମ୍ବାକିଆ ଗ୍ରାମର ଯାଦବ ନାୟକଙ୍କର କେରଳରେ ଏକ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଛି । ୮ ବର୍ଷ ଧରି କେରଳର ଏର୍ନାକୁଲୋମ ଜିଲ୍ଲା ପେରୁମବାବର୍ ଅଞ୍ଚଳରେ ପ୍ଲାଏ କମ୍ପାନୀରେ କାମ କରୁଥିଲେ । ଗତ ୧୨ ତାରିଖରେ ରାସ୍ତା ପାର ହେଉଥିବାବେଳେ ତାଙ୍କର ଦୁର୍ଘଟଣା ଘଟିଥିଲା ।
ଦୁର୍ଘଟଣା ସମ୍ପର୍କରେ ପରିବାର ଓ ସେଠାରେ ଥିବା ଅନ୍ୟ ସମ୍ପର୍କୀୟ ଲୋକମାନଙ୍କୁ ସୂଚନା ଦିଆଯାଇଥିଲା । ସେଠାରେ ଯେଉଁ କମ୍ପାନୀରେ କାମ କରୁଥିଲେ ସେହି କମ୍ପାନୀ ମାଲିକ ଘଟଣା ବିଷୟରେ ଜାଣିବା ପରେ ମୃତଦେହକୁ ଓଡ଼ିଶାକୁ ପଠାଇବା ନିମନ୍ତେ ବ୍ୟବସ୍ଥା କରିଥିଲେ । ପେଟାପାଙ୍ଗା ସରପଞ୍ଚଙ୍କ ସହଯୋଗରେ ଶୋକାକୁଳ ପରିବେଶରେ ତାଙ୍କର ଶବ ସତ୍କାର କରାଯାଇଥିଲା ।
- Advertisement -
