ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଅନ୍ତର୍ଗତ ଗୋଡଭଗା ତୁରୁମ୍ ରାସ୍ତା ଦେଇ ଯାଇଥିବା ୫୪ ନଂ ରାଜ୍ୟ ରାଜପଥ ରେ ଗତ ୧୨ ତାରିଖ ସନ୍ଧ୍ୟାରେ ଏକ ଅଜଣା ଗାଡ଼ି ଧକ୍କାରେ ଜଣେ ପଥଚାରୀ ଗୁରୁତର ଆହତ ହୋଇ ବୁର୍ଲା ଡ଼ାକ୍ତରଖାନାରେ ଚିକିତ୍ସାଧୀନ ଥିବା ବେଳେ ଆଜି ତାଙ୍କର ମୃତ୍ୟୁ ଘଟିଛି । ପ୍ରକାଶ ଥାଉ କି କାଦୋବାହାଲ ପଞ୍ଚାୟତ ଅଧିନସ୍ଥ ବରହାମୁଡ଼ା ଗ୍ରାମର ନାଗର ପୋଢ଼ (୫୦) ଗତ ୧୨ ତାରିଖ ସନ୍ଧ୍ୟାରେ ଏକ ବାହାଘର ଭୋଜି ପାଇଁ ପାଦରେ ଚାଲି ଆସୁଥିବା ବେଳେ ଏକ ଅଜଣା ଗାଡ଼ି ଧକ୍କା ଦେଇ ଚାଲିଯାଇଥିଲା । ଫଳରେ ତେ ଗୁରୁତର ହୋଇ ପଡ଼ିଯାଇଥିଲେ।ସ୍ଥାନୀୟ ଲୋକେ ତାଙ୍କୁ ବୁର୍ଲା ଡାକ୍ତରଖାନା କୁ ଚିକିତ୍ସା ପାଇଁ ପଠାଇଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେତାଙ୍କର ମୃତ୍ୟୁ ଘଟିଥିଲା । ଆଜି ମୃତଦେହ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ମୃତ ଶରୀରକୁ ହସ୍ତାନ୍ତର କରିଥିବା ବୁର୍ଲା ପୁଲିସ ପକ୍ଷରୁ ସୂଚନା ମିଳିଛି ।
Comments are closed.