ମୁମ୍ବଇ: ତିନି ଥର ଭାରତର ପ୍ରଧାନମନ୍ତ୍ରୀ ଥିବା ଅଟଳ ବିହାରୀ ବାଜପେୟୀ ଦେଶର ଅନ୍ୟତମ ପ୍ରିୟ ନେତା। ତାଙ୍କ ଜୀବନ ଯାତ୍ରା କୌଣସି ପ୍ରେରଣାଠାରୁ କମ୍ ନୁହେଁ। ଆଉ ଏବେ ଏହି ଜୀବନ ଯାତ୍ରାକୁ ନେଇ ବଡ଼ ପରଦାକୁ ଆସିବାକୁ ଯାଉଛି ପଙ୍କଜ ତ୍ରିପାଠୀଙ୍କ ଚଳଚ୍ଚିତ୍ର ‘ମେଁ ଅଟଲ ହୁଁ’, ଯାହାର ଟ୍ରେଲର ଗୁରୁବାର ରିଲିଜ୍ ହୋଇଛି। ପ୍ରଶଂସକମାନେ ଏହାକୁ ମାଷ୍ଟରପିସ୍ ବୋଲି କହିଛନ୍ତି। କେବଳ ଏତିକି ନୁହେଁ, ପୁଣି ଥରେ ପଙ୍କଜ ତ୍ରିପାଠୀଙ୍କ ଜୀବନ୍ତ ଅଭିନୟ ଲୋକଙ୍କୁ ବିମୋହିତ କରିଛି।
କିଛି ଘଣ୍ଟା ପୂର୍ବରୁ ‘ମେଁ ଅଟଲ ହୁଁ’ର ଟ୍ରେଲର ରିଲିଜ୍ ହୋଇଛି। ପଙ୍କଜ ତ୍ରିପାଠୀ ଏହାକୁ ଇନଷ୍ଟାଗ୍ରାମରେ ଶେୟାର କରି ଲେଖିଛନ୍ତି, ‘‘ଯେଉଁ ନେତାଙ୍କୁ ଆପଣ ଜାଣିଛନ୍ତି, ସେହି ମଣିଷ ଯାହାକୁ ଆପଣ ଜାଣି ନାହାନ୍ତି। ଶ୍ରୀ ଅଟଳ ବିହାରୀ ବାଜପେୟୀଙ୍କ ଅସାଧାରଣ ଜୀବନର ଏକ ଝଲକ୍ ପ୍ରସ୍ତୁତ। ‘ମେଁ ଅଟଲ ହୁଁ’ର ଟ୍ରେଲର ଏବେ ଆସିଯାଇଛି! ୨୦୨୪, ଜାନୁଆରୀ ୧୯ରେ ପ୍ରେକ୍ଷାଳୟରେ ଦେଖନ୍ତୁ।’’
ଏହି ଟ୍ରେଲର ଦେଖିବା ପରେ ଜଣେ ୟୁଜର ଲେଖିଛନ୍ତି, ରବି ଯାଦବଙ୍କ ନିର୍ଦ୍ଦେଶନା ଏକ ସିନେମାଟିକ୍ ମାଷ୍ଟରପିସ୍। ସେ କୌଶଳପୂର୍ବକ ଅଟଳ ବିହାରୀ ବାଜପେୟୀଙ୍କ କାହାଣୀକୁ ଶାଳୀନତା ଏବଂ ସତ୍ୟତା ସହିତ ଜୀବନ୍ତ କରିଛନ୍ତି। ଅନ୍ୟ ଜଣେ ୟୁଜର ଲେଖିଛନ୍ତି, ‘‘ଏହା ଏକ ଚଳଚ୍ଚିତ୍ର ନୁହେଁ ବରଂ ଅଟଳ ଜୀଙ୍କ ପ୍ରତି ପ୍ରକୃତ ସମ୍ମାନ। ମୁଁ ପଙ୍କଜ ଜୀ ଏବଂ ତାଙ୍କ ସମ୍ପୂର୍ଣ୍ଣ ଟିମ୍କୁ ହୃଦୟରୁ ଧନ୍ୟବାଦ ଦେଉଛି। ଜୟ ହିନ୍ଦ୍, ଜୟ ଭାରତ।’’
