ଜି.ଉଦୟଗିରି : ସ୍ଥାନୀୟ କୃଷି ବିଜ୍ଞାନ କେନ୍ଦ୍ର ସଭା ଗୃହରେ ଆଜି ୨୯ତମ ବୈଜ୍ଞାନିକ ଉପଦେଷ୍ଟା ମଣ୍ଡଳୀ ବୈଠକ ଅନୁଷ୍ଠିତ ହୋଇଯାଇଛି। ଜି.ଉଦୟଗିରି କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ଡ.ନାରାୟଣ ବାରଙ୍କ ଅଧ୍ୟକ୍ଷତାରେ ଆଜି ଆୟୋଜିତ ବୈଠକରେ ମୁଖ୍ୟ ଅତିଥି ଭାବେ ଡ.ବିପିନ କୁମାର ପ୍ରଧାନ, ଉପ ନିର୍ଦ୍ଦେଶକ ସମ୍ପ୍ରସାରଣ ଓଡିଶା କୃଷି ଓ ବୈଷୟିକ ବିଶ୍ବବିଦ୍ୟାଳୟ ଯୋଗଦେଇ ପୂର୍ବରୁ ନିଷ୍ପତ୍ତି ହୋଇଥିବା କାର୍ଯ୍ୟକ୍ରମର ସମୀକ୍ଷା କରିବା ସହ ଆସନ୍ତା ବର୍ଷ ନିମନ୍ତେ କାର୍ଯ୍ୟକ୍ରମ ଖସଡା ଉପରେ ଉପସ୍ଥିତ କୃଷି ବିଜ୍ଞାନ କେନ୍ଦ୍ର ସହ ସଂସ୍ଳିଷ୍ଟ ବିଭାଗ ସହ ଆଲୋଚନା କରିଥିଲେ।
ଏଥି ସହିତ କନ୍ଧମାଳ ଜିଲା ଏକ ଶୁଷ୍କ ଅଞ୍ଚଳ ହୋଇଥିବାରୁ ଏଠି ମସଲା ଜାତୀୟ ଫସଲର ଉତ୍କୃଷ୍ଟ ଚାଷ ହେବା ସଙ୍ଗେ ସଙ୍ଗେ ଫଳ, ଛତୁ, ଆଳଙ୍କାରିକ ଫୁଲର ମଧ୍ୟ ଉତ୍ତମ ଚାଷ ସମ୍ଭବ ବୋଲି ନିଜ ପ୍ରତିକ୍ରିୟାରେ କହିଥିଲେ। ଅନ୍ୟମାନଙ୍କ ମଧ୍ୟରେ ଜଳଛାୟା ପ୍ରକଳ୍ପ ନିର୍ଦ୍ଦେଶକ, କନ୍ଧମାଳ ପ୍ରସନ୍ନ କୁମାର ସାହୁ, ଉଦ୍ୟାନ ଉପ ନିର୍ଦ୍ଦେଶକ, କନ୍ଧମାଳ ଶାନ୍ତନୁ କୁମାର ନାୟକ ପ୍ରମୁଖ ଯୋଗଦେଇ ଚାଷୀଭାଇ ମାନେ କିପରି ଓ କୋଉ ଚାଷ କଲେ ଅଧିକ ଲାଭାନ୍ନିତ ହୋଇପାରିବେ ସେ ନେଇ ଆଲୋଚନା କରିଥିଲେ। ଆୟୋଜିତ କାର୍ଯ୍ୟକ୍ରମରେ ଅଞ୍ଚଳର କିଛି ଚାଷୀ ଯୋଗଦେଇ ଚାଷ ସମ୍ବନ୍ଧୀୟ ଜ୍ଞାନ କୌଶଳ ବାବଦରେ ବୈଜ୍ଞାନିକମାନଙ୍କଠୁ ବୁଝିଥିଲେ। ଶେଷରେ ବୈଜ୍ଞାନିକ ଡ.ସୁଜିତ କୁମାର ମୁଖି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
