ଅନୁଗୋଳ : ଅମଲାପଡାରେ ଥିବା ଏକ ଆୟୁରବେଦ ଚିକିତ୍ସା କେନ୍ଦ୍ର ଫିଜିଓଥ୍ରୋପି ସେଣ୍ଟରକୁ ଆସିଥିବାବେଳେ ଅନୁଗୋଳ ସହରର ଜଣେ ୧୬ ବର୍ଷୀୟା ନାବାଳିକାକୁ ଅପହରଣ କରାଯାଇଥିବା ନେଇ ଅନୁଗୁଳ ଥାନାରେ ଅଭିଯୋଗ ହୋଇଛି। ନାବାଳିକାଙ୍କ ମା ଅନୁଗୋଳ ଥାନାରେ ଦେଇଥିବା ଅଭିଯୋଗ ମୁତାବକ ତାଙ୍କ ଘର ଜରପଡା ଥାନା ଅଞ୍ଚଳରେ ହୋଇଥିବା ବେଳେ ସେ ଆଜକୁ ପ୍ରାୟ ୫ ବର୍ଷ ହେବ ଅନୁଗୋଳ ସହରର ସୌଭାଗ୍ୟ ନଗର ଅଞ୍ଚଳରେ ଘର ଭଡା ନେଇ ରହୁଛନ୍ତି। ଅମଲାପଡାର ଏହି ସେଣ୍ଟର କୁ ତାଙ୍କ ଝିଅ ଟ୍ରେନିଙ୍ଗ ନେବାପାଇଁ ଯାଉଥିଲା। ଆଜି ତାଙ୍କ ଝିଅ ସେଣ୍ଟର କୁ ନଯାଇଥିବାର ଖବର ଫୋନ ଯୋଗେ ଦିନ ପ୍ରାୟ ୨ଟା ୫୩ ମିନିଟ ସମୟରେ ସେଣ୍ଟର ଇନ ଚାର୍ଜ ଜଣାଇଥିଲେ ।
ଏହାପରେ ଅନୁସନ୍ଧାନ ପରେ ଜାଣିବାକୁ ପାଇଥିଲେ ଯେ ତାଙ୍କ ନାବାଳିକା ଝିଅ କୁ ତାଳଚେର ବିକ୍ରମପୁର ଥାନା ଅନ୍ତର୍ଗତ ଗୋବରା ଗ୍ରାମର ଅଜିତ ସେଠି ନାମକ ଜଣେ ଯୁବକ ଅପହରଣ କରି ନେଇ ଯାଇଛି | ଏହାପରେ ମହିଳା ଜଣକ ଆଜି ରାତିରେ ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ପାଇବା ପରେ ପୁଲିସ ପକ୍ଷରୁ ଏକ ମାମଲା ରୁଜୁ କରି ନାବାଳିକା କୁ ଉଦ୍ଧାର ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛନ୍ତି।
