କଣ୍ଟାବାଞ୍ଜି: କଣ୍ଟାବାଞ୍ଜିରୁ ବଙ୍ଗୋମୁଣ୍ଡା ଯିବା ରାସ୍ତା ଦଦ୍ରା ଛକଠାରେ ଏକ ବାଇକ ଓ ବସ ମଧ୍ୟରେ ଧକ୍କା ଘଟିଛି। ଏହି ଦୁର୍ଘଟଣାରେ ଚିକିତ୍ସାଧିନ ଅବସ୍ଥାରେ ବାଇକ ଆରୋହୀଙ୍କର ମୃତ୍ୟୁ ଘଟିଛି। ମୃତ ଯୁବକଙ୍କ ନାଁ ରାଧେଶ୍ୟାମ ପୋଡ଼ ବୋଲି ଜଣାପଡ଼ିଛି।
ପ୍ରାପ୍ତ ସୂଚନା ଅନୁଯାୟୀ, ରାଜ ଖଡିଆଳ ଥାନା ଲାଞ୍ଜି ଗାଁର ରାଧେଶ୍ୟାମ ପୋଡ଼ ନାମକ ଜଣେ ଯୁବକ କୌଣସି କାମ ପାଇଁ ବାଇକ ଯୋଗେ କଣ୍ଟାବାଞ୍ଜି ପଟେ ଆସିଥିଲେ। ହେଲେ ଦଦ୍ରା ଛକଠାରେ ନୂଆପଡା ଜିଲ୍ଲା ସିକଲି ମୁଡାରୁ – କଣ୍ଟାବାଞ୍ଜି ଦେଇ ଲାଠୋର ଯାଉଥିବା ବସ୍ ସହ ତାଙ୍କର ବାଇକ ଧକ୍କା ହୋଇଥିଲା। ଗୁରୁତର ଅବସ୍ଥାରେ ସ୍ଥାନୀୟଲୋକେ ଉଦ୍ଧାର କରି ଯୁବକଙ୍କୁ ଚିକିତ୍ସା ପାଇଁ କଣ୍ଟାବାଞ୍ଜି ଡାକ୍ତରଖାନା ଆଣିଥିବାବେଳେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ଖବର ପାଇ ଘଟଣାସ୍ଥଳରେ ବଙ୍ଗୋମୁଣ୍ଡା ପୁଲିସ ପହଞ୍ଚି ଅଧିକ ତଦନ୍ତ କରି ବସ୍ ଓ ବାଇକକୁ ଜବତ କରିବା ସହ ବସ ଡ୍ରାଇଭର କିଶୋର ଦୀପଙ୍କୁ ଅଟକ ରଖିଥିବା ବଙ୍ଗୋମୁଣ୍ଡା ଥାନା ଅଧିକାରୀ ସଂଜୀବ ପ୍ରଧାନଙ୍କ ସୂତ୍ରରୁ ସୂଚନା ମିଳିଛି।
Comments are closed.