ଫୁଲବାଣୀ: ସମାଜରେ ମହିଳା ମାନଙ୍କ ବିରୋଧରେ ହେଉଥିବା ବିଭିନ୍ନ ପ୍ରକାର ଅପରାଧ ଓ ଏହାର ପ୍ରତିକାର ସମ୍ପର୍କରେ ତୃଣମୂଳ ସ୍ତରରେ ସଚେତନତା ସୃଷ୍ଟି କରିବା ପାଇଁ ଆଜି ଏକ ସଚେତନତା କର୍ମଶାଳା ଆୟୋଜିତ ହୋଇଛି। ସ୍ଥାନୀୟ ଜିଲ୍ଲା ପୁଲିସ ମୂଖ୍ୟାଳୟ ଠାରେ ଆୟୋଜିତ କର୍ମଶାଳାରେ ଫୁଲବାଣୀ, ବାଲିଗୁଡା,ଖଜୁରୀପଡା, ଚକାପାଦ ବ୍ଲକର ସିଆରପି, ଆଇନ ସେବା ସ୍ବେଚ୍ଛାସେବୀ, ମହିଳା ସହାୟତା କେନ୍ଦ୍ର ଓ ଜୀବିକା ମିଶନର କର୍ମକର୍ତ୍ତା ମାନେ ଯୋଗ ଦେଇଥିଲେ। ପଞ୍ଚାୟତ ସ୍ତରରେ କିଭଳି ମହିଳା ବିରୋଧୀ ଅପରାଧକୁ ପ୍ରତିହତ କରାଯାଇ ପାରିବ ସେ ନେଇ ପରାମର୍ଶ ଦିଆ ଯାଇଥିଲା। ଜିଲ୍ଲା ପୁଲିସର ମହିଳା ସହାୟତା ୟୁନିଟ ଆନୁକୂଲ୍ୟରେ ଅନୁଷ୍ଠିତ କାର୍ୟ୍ୟକ୍ରମରେ ଅଧ୍ୟକ୍ଷତା କରି ଡିଏସପି କମଳ କୁମାର ପଣ୍ଡା ଉପସ୍ଥିତ ମହିଳା ମାନଙ୍କୁ ଏ ନେଇ ଆଇନର ବିଭିନ୍ନ ଦିଗ ସମ୍ପର୍କରେ ସୂଚନା ଦେବା ସହ ଏହାକୁ ଗ୍ରାମାଞ୍ଚଳ ସ୍ତରରେ ଲାଗୁ କରିବା ପାଇଁ ଉତ୍ସାହିତ କରିଥିଲେ। କାର୍ୟ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ମହିଳା ସହାୟତା କେନ୍ଦ୍ରର କଳ୍ପନା ମହାନ୍ତି, ବ୍ଲକ ସଂଯୋଜକ ରୀତା ବଗର୍ତ୍ତି, ଜୀବିକା ମିଶନର ପ୍ରକଳ୍ପ ନିର୍ଦେଶକ ସୁପ୍ରଭା ପ୍ରଧାନ ପ୍ରମୂଖ ଯୋଗ ଦେଇଥିଲେ।
Popular Categories
Previous article
Next article