ଫୁଲବାଣୀ/ଫିରିଙ୍ଗିଆ: କନ୍ଧମାଳ ଜିଲା ଫିରିଙ୍ଗିଆ ଅଞ୍ଚଳରେ ଦୀର୍ଘ ବର୍ଷରୁ ପୂଜା ପାଉଥିବା ପୁରାତନ ରୁଦ୍ରକାଳୀ ମନ୍ଦିରର ନିର୍ମାଣ ଏବଂ ଉନ୍ନତି କରଣ କାର୍ଯ୍ୟ ଆରମ୍ଭ ହୋଇଛି। ଏହି କାର୍ଯ୍ୟକ୍ରମରେ ଫିରିଙ୍ଗିଆ ପଞ୍ଚାୟତ ସମିତି ସଭ୍ୟା ମୌସୁମୀ ପ୍ରଧାନ, ମନ୍ଦିର ପରିଚାଳନା କମିଟି ସଭାପତି ବିଶ୍ୱରଞ୍ଜନ କହଁର, ମାଁ ରୁଦ୍ରକାଳୀ ଦଣ୍ଡ ପରିଚାଳନା କମିଟି ସଭାପତି ସତ୍ୟ ପାଣିଗ୍ରାହୀ, କୋଷାଧକ୍ଷ ବିରଞ୍ଚି ଦିଗାଲ, ପୂଜକ ଯୋଗେନ୍ଦ୍ର ବିଶୋଈଙ୍କ ସହ ମନ୍ଦିର ପରିଚାଳନା କମିଟି ସଦସ୍ୟ ଉପସ୍ଥିତ ଥିଲେ।
ବିଶ୍ବ କଲ୍ୟାଣ ପାଇଁ ଫିରିଙ୍ଗିଆ ପିତାବଳୀ ମନ୍ଦିର ପୂଜକ ସତ୍ୟ ନାରାୟଣ ଭୁକ୍ତା ପୂଜାର୍ଚ୍ଚନା କରିଥିଲେ। ଦୀର୍ଘ ଦିନରୁ ଏହି ମନ୍ଦିର ଉନ୍ନତି କରଣ ପାଇଁ ପ୍ରଶାସନ ପାଖରେ ନିବେଦନ କରିଥିଲେ। ଫିରିଙ୍ଗିଆ ପଞ୍ଚାୟତ ସମିତି ସଭ୍ୟା ମୌସୁମୀ ପ୍ରଧାନଙ୍କ ପ୍ରଚେଷ୍ଟା ଓ ରାଜ୍ୟ ସରକାରଙ୍କ ସହଯୋଗରେ ଏହି ପୁରାତନ ରୁଦ୍ର କାଳୀ ମନ୍ଦିର ଉନ୍ନତି କରଣ ପାଇଁ ସାତ ଲକ୍ଷ ଟଙ୍କା ବ୍ୟୟ ବରାଦ ହୋଇଛି। ଉନ୍ନତିକରଣ କାର୍ଯ୍ୟ ଖୁବ ଶୀଘ୍ର ଶେଷ ପାଇଁ ଉଦ୍ୟମ ଜାରି ରହିବ ବୋଲି ମନ୍ଦିର ପରିଚାଳନା କମିଟି ପକ୍ଷରୁ ସୂଚନା ଦିଆଯାଇଛି।
