ନୀଳଗିରି: ନୀଳଗିରି ଏନଏସି ୪ନଂ ୱାର୍ଡ଼ ଅଧୀନ ମିରିଗିଣି ଅଞ୍ଚଳରେ ଗୁହାଳ ଜଳିଯାଇ ୪ଟି ଗୋରୁ ଜୀବନ୍ତ ଦଗ୍ଧ ହୋଇ ଯାଇଛନ୍ତି । ଆଜି ସନ୍ଧ୍ୟାରେ ଖଗେନ୍ଦ୍ର ବିଶ୍ୱାଳଙ୍କ ଗୁହାଳ ଘରେ ମଶା ଘଉଡ଼ାଇବାକୁ ଧୂଆଁ କରାଯାଇଥିଲା । କିନ୍ତୁ କିଛି ଘଣ୍ଟା ପରେ ଏହି ନିଆଁ କୁହୁଳି ଗୁହାଳଟି ସମ୍ପୂର୍ଣ୍ଣ ଜଳି ଯାଇଥିବା ଦେଖିବାକୁ ମିଳିଛି । ତେବେ ଗୁହାଳରେ ବନ୍ଧା ହୋଇଥିବା ୨ଟି ଗାଈ ଓ ୨ଟି ବାଛୁରୀ ଜୀବନ୍ତ ଦଗ୍ଧ ହୋଇ ଯାଇଛନ୍ତି । ଗୋଟିଏ ଗୋରୁ କୌଶଳକ୍ରମେ ପଘା ଫିଟାଇ ଜୀବନ ବଞ୍ଚାଇ ପାରିଛି । ଏନେଇ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଖବରପାଇ ରାତିରେ ନୀଳଗିରି ଅଗ୍ନିଶମ ଅଧିକାରୀ ହରିଶ ନାଥ ସେଠାରେ ସଦଳବଳେ ପହଞ୍ଚି ନିଆଁକୁ ଆୟତ କରୁଥିବା ସୂଚନା ମିଳିଛି ।
Comments are closed.