ଧାମନଗର : ଲଗାଣ ବର୍ଷା ଯୋଗୁ ଧାମନଗର ବ୍ଲକ୍ର ଏବେ ବି ଅନେକ ଗାଁ ପାଣି ଘେରରେ ରହିଛି। ସ୍ଥିତିର ସୁଧାର ଆସିନଥିବାରୁ ଆଜି ବ୍ଲକର ସମସ୍ତ ସରକାରୀ ଓ ବେସରକାରୀ ସ୍କୁଲ ବନ୍ଦ କରିବାକୁ ଜିଲାପାଳ ନିର୍ଦେଶ ଦେଇଛନ୍ତି। ସୂଚନା ଅନୁସାରେ, ଅନ୍ୟପକ୍ଷରେ ବୈତରଣୀ ନଦୀର ଜଳସ୍ତର କମିଛି। ଏବେ ବୈତରଣୀ ବିପଦ ସଂକେତ ତଳେ ପ୍ରବାହିତ ହେଉଛି। ଏହି ବନ୍ୟାରେ ଭଦ୍ରକ ଜିଲାର ୪ଗୋଟି ବ୍ଲକର ୬୧ ଗୋଟି ପଞ୍ଚାୟତର ୩୨୬ ଗାଁର ୧ଲକ୍ଷ ୮୧ ହଜାର ଲୋକ ପ୍ରଭାବିତ ହୋଇଥିବା ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ସ୍ଥିତିରେ ସୁଧାର ଆଣିବାକୁ ପ୍ରଶାସନ ପକ୍ଷରୁ ସବୁ ପ୍ରକାର ପ୍ରସ୍ତୁତି ଜାରି ରହିଛି।
Comments are closed.