କେନ୍ଦୁଝର :ଆଜି ସକାଳେ କେନ୍ଦୁଝର ଜିଲା ଜୁଡ଼ିଆ ଘାଟିରେ ଭୂସ୍ଖଳନ ହେବା ଫଳରେ ପାହାଡ଼ ଧସି ବଡ଼ ପଥର ଖଣ୍ଡ ରାସ୍ତା ଉପରେ ପଡ଼ିଥିବା ସୂଚନା ମିଳିଛି। ଏଥିରେ କାହାର କିଛି କ୍ଷତି ହୋଇ ନ ଥିବା ଜଣାପଡ଼ିଛି। ସୂଚନା ଅନୁସାରେ, ଘାଟିରେ ଗୋଟିଏ ମିନି ଟ୍ରକ୍ ଯାଉଥିବାବେଳେ ତାହା ଉପରେ ପଥର ଖଣ୍ଡ ଧସିଯାଇଛି । ଫଳରେ ଗାଡ଼ିଟି ଅଟକି ରହିଥିବାବେଳେ ଏହାର ଚାଳକ, ହେଲପରଙ୍କ ପତ୍ତା ରିପୋର୍ଟ ଲେଖା ହେବା ପର୍ଯ୍ୟନ୍ତ ମିଳିପାରିନାହିଁ। ବଡ଼ ବଡ଼ ପଥର ଖଣ୍ଡ ରାସ୍ତାରେ ଛିଟିକି ପଡ଼ିଥିବାରୁ ଏନଏଚ୍ -୪୯ର ଗୋଟିଏ ପାର୍ଶ୍ୱରେ ଯାତାୟାତ ବନ୍ଦ ହୋଇଯାଇଛି । ଗୋଟିଏ ପାର୍ଶ୍ୱ ରାସ୍ତାକୁ ବନ୍ଦ କରି ଦିଆଯାଇଛି। ଏବେ ସୁଦ୍ଧା ଘଟଣାସ୍ଥଳରେ ପ୍ରଶାସନିକ ଅଧିକାରୀ ପହଞ୍ଚି ନ ଥିବାରୁ ରାସ୍ତା ସଫା କାମ ମଧ୍ୟ ଆରମ୍ଭ ହୋଇନି। ଫଳରେ ଯାତାୟାତରେ ବାଧାପ୍ରାପ୍ତ ହୋଇଥିବା ଜଣାପଡ଼ିଛି।
Comments are closed.