ଶ୍ରୀନଗର : ଦକ୍ଷିଣ କଶ୍ମୀରର କୁଲ୍ଗାମ ଜିଲାର ଅସ୍ଥାଲ ଅଞ୍ଚଳରୁ ଜଣେ ସେନା ଯବାନ ଶନିବାର ସନ୍ଧ୍ୟାରୁ ନିଖୋଜ ହୋଇଯାଇଥିବା ଜଣାପଡ଼ିଛି। ପୁଅଙ୍କୁ ଫେରାଇ ଆଣିବା ପାଇଁ ତାଙ୍କ ମାଆ ଏକ ଭିଡିଓ ବାର୍ତ୍ତାରେ କହିଛନ୍ତି ଯେ. ଯଦି ତାଙ୍କ ପୁଅ କିଛି ଭୁଲ କରିଥାଏ, ତେବେ କ୍ଷମା କରିଦେବା ସହିତ ଶୀଘ୍ର ତାଙ୍କ ପୁଅକୁ ଖୋଜି ଦେବାକୁ ନିବେଦନ କରିଛନ୍ତି। ନିଖୋଜ ଯବାନଙ୍କ ନାଁ ଜାଭେଦ୍ ଅହମଦ ୱାନି । ତାଙ୍କ ଘର ଅସ୍ଥାଲରେ ବୋଲି ଜଣାପଡ଼ିଛି। ସେ ଲଦାଖରେ ଲେହରେ ଜମ୍ମୁ-କଶ୍ମୀର ଲାଇଟ୍ ଇନ୍ଫ୍ୟାଣ୍ଟ୍ରି ରେଜିମେଣ୍ଟରେ ଜଣେ ରାଇଫଲ ମ୍ୟାନ୍ ଭାବେ କାର୍ଯ୍ୟ କରୁଥିଲେ। ଇଦ୍ଠାରୁ ଛୁଟିରେ ଘରକୁ ଆସିଥିଲେ। ସନ୍ଧ୍ୟାରେ ତାଙ୍କ କାର୍ରେ କିଛି ଖାଦ୍ୟ ସାମଗ୍ରୀ କିଣିବା ପାଇଁ ଯାଇଥିଲେ। ୧୦ ମିନିଟ୍ରେ ଫେରୁଛି କହି ଆଉ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ। ତାଙ୍କ କାର୍କୁ ବଜାର ନିକଟରେ ପାଇଥିଲେ। କାର ନିକଟରୁ କିଛି ମାଂସ, କଦଳୀ ଏବଂ ହଳେ ଜୋତାରହିଛି। ଯବାନଙ୍କୁ ଖୋଜି ବାହାର କରିବା ଲାଗି ବ୍ୟାପକ ତଲାସି ଅଭିଯାନ ଚାଲିଥିବା ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି।
Comments are closed.