ସମ୍ବଲପୁର : ସମ୍ବଲପୁରର କୁଲୁଥକାନୀ ଅଞ୍ଚଳରେ ଲାଗି ରହିଥିବା ବିଭିନ୍ନ ସମସ୍ୟାର ସମାଧାନ ଦାବି ଅଞ୍ଚଳବାସୀ କରିଛନ୍ତି। ସୋମବାର ଅଞ୍ଚଳବାସୀ ଜିଲାପାଳଙ୍କୁ ପ୍ରଦାନ କରିଥିବା ଦାବି ପତ୍ର ଅନୁଯାୟୀ କୁଲୁଥକାନୀର ମାଉଲୀମା ମନ୍ଦିର ଗଳି ଅଞ୍ଚଳର ନିବାସୀମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ଅଞ୍ଚଳରେ ରାସ୍ତା ଘାଟ ଗୁଡିକ ସରକାରଙ୍କ ତରଫରୁ ନିର୍ମାଣ କରାଯାଇଥିବା ବେଳେ ସେ ଗୁଡିକର ଅବସ୍ଥା ଶୋଚନୀୟ ହୋଇଥିବାରୁ ବର୍ଷ ତମାମ ଅଞ୍ଚଳରେ ଆବର୍ଜନା ଜଳ ଜମି ରହି କାଦୁଅ ପଚପଚ ରହୁଛି। ଅଞ୍ଚଳକୁ ପାନୀୟ ଜଳ ପାଇପ ଲଗାଯାଇଥିବାବେଳେ କିନ୍ତୁ ବାରମ୍ବାର ଦାବି ସତ୍ତ୍ବେ ଜଳ ଯୋଗାଣ କରାଯାଉନାହିଁ। ଅଞ୍ଚଳର ପରିମଳ ବ୍ୟବସ୍ଥା ଅତ୍ୟନ୍ତ ଶୋଚନୀୟ ହୋଇଥିବା ବେଳେ ଅଞ୍ଚଳକୁ ଆବର୍ଜନା ଗାଡି ମଧ୍ୟ ଯାଉନାହିଁ। ସ୍ୱେରେଜ ସଂଯୋଗ ମଧ୍ୟ ଅଞ୍ଚଳରେ କରାଯାଉନାହିଁ। ଏଣୁ ଅଞ୍ଚଳବାସୀ ନିୟମିତ ପରିମଳ, ରାସ୍ତା ଓ ପାନୀୟ ଜଳକୁ ନେଇ ସମସ୍ୟାର ସମ୍ମୁଖୀନ ହେଉଥିବା ବେଳେ ଏହାର ସ୍ଥାୟୀ ସମାଧାନ ପାଇଁ ସେମାନେ ଦାବି କରିଛନ୍ତି। ଜିଲା ପ୍ରଶାସନକୁ ପ୍ରଦତ୍ତ ଦାବିପତ୍ରରେ ଅର୍ଜୁନ କୁମାର ସାହୁ, ଅଭୟ ପଣ୍ଡା, ଶିବ ଶଙ୍କର ସାହୁ, ଭିକାରୀ ଚରଣ ଷଡଙ୍ଗୀ, ନଟୱର ଲାଲ ଶର୍ମା, ରାଧାକାନ୍ତ ଷଡଙ୍ଗୀ, ପ୍ରବୀଣ କୁାମର ବୈଠାରୁ, ବସନ୍ତ କୁମାର ଜେନା, ଗୋକୁଳାନନ୍ଦ ସ୍ୱାଇଁଙ୍କ ସମେତ ଅନେକ ଅଞ୍ଚଳବାସୀଙ୍କ ଦସ୍ତଖତ ରହିଛି।
Popular Categories
Previous article
Next article