ଗୁରୁଡିଝାଟିଆ : ଖୁଣ୍ଟୁଣୀ ପୁଲିସ ସୋମବାର ଅନନ୍ତପୁର ପଞ୍ଚାୟତର ମହାନଦୀ କୂଳରୁ ଏକ ଯୁବତୀଙ୍କ ମୃତଦେହ ଉଦ୍ଧାର କରିଛି। ମୃତ ଯୁବତୀଙ୍କ ଘର ଭୂବନେଶ୍ୱର ଏୟାରଫିଲଡ ଥାନା ଅନ୍ତର୍ଗତ ସୁନ୍ଦରପଦାରେ। ଯୁବତୀଙ୍କ ନାମ ଐଶ୍ଚର୍ଯ୍ୟା ପରିଜା(୨୧)। ପୁଲିସ ମୃତ ଦେହକୁ ବ୍ୟବଚ୍ଛେଦ ପାଇଁ ଆଠଗଡ ଉପଖଣ୍ଡ ଚିିକିତ୍ସାଳୟକୁ ପଠାଇଛି । ପ୍ରକାଶଯୋଗ୍ୟ ଦିନକ ପୂର୍ବରୁ ଆଠଗଡ ଥାନା ଅନ୍ତର୍ଗତ ମୁଣ୍ଡଳୀ ମହାନଦୀ ସେତୁ ଉପରୁ ଯୁବତୀ ଜଣଙ୍କ ନିଜ ସ୍କୁଟି ରଖି ନଦୀକୁ ଡେଇଁ ପଡିଥିଲେ । ଯୁବତୀଙ୍କ ବାପା ଆଶିଷ ଆଠଗଡ ଥାନାରେ ଲିଖିତ ଅଭିଯୋଗ କରିଥିଲେ । ଯୁବତୀଜଣକ ନୀଳ ରଙ୍ଗର ଜିନ୍ସ ପ୍ୟାଣ୍ଟ ପିନ୍ଧିଥିବା ବେଳେ ଏକ ଟପ ପିନ୍ଧିଥିଲେ। ବ୍ୟବଚ୍ଛେଦ ପରେ ପରିବାରକୁ ମୃତଦେହ ହସ୍ତାନ୍ତର କରାଯାଇଛି । ହେଲେ ଝିଅର ମୃତ୍ୟୁ ପାଇଁ ଜନୈକ ଯୁବକ ଦାୟୀ ବୋଲି ଉଲ୍ଲେଖ କରି ଯୁବତୀର ବାପା ଆଠଗଡ ଥାନାରେ ଲିଖିତ ଅଭିଯୋଗ କରିବା ପରେ ଯୁବକଙ୍କୁ ଅଟକ ରଖାଯାଇଛି।
Comments are closed.