କାଳୀ ପୂଜାର ମହତ୍ତ୍ବ :
ଭାରତରେ ଯେଉଁଦିନ ଦୀପାବଳି ପର୍ବ ପାଳନ କରାଯାଏ ସେହିଦିନ ପୂର୍ବ ଭାଗରେ ବଙ୍ଗଳା, ଆସାମ, ବିହାର ଓ ଓଡିଶାରେ ଏହିଦିନ ମା’ କାଳୀଙ୍କର ବିଶେଷ ପୂଜା କରାଯାଇଥାଏ। ରାମକୃଷ୍ଣ ପରମହଂସ, ବିବେକାନନ୍ଦ ମା’ କାଳୀଙ୍କର ପରମ ଭକ୍ତ ଥିଲେ। ବଙ୍ଗାଳୀ ସମାଜରେ ମା’ କାଳୀଙ୍କୁ ଅତ୍ୟନ୍ତ ଶ୍ରଦ୍ଧା ଓ ଉତ୍ସାହର ସହ ପୂଜା କରାଯାଇଥାଏ। ମା’ କାଳୀଙ୍କର କୃପା ସମସ୍ତ ଭକ୍ତମାନଙ୍କ ଉପରେ ରହିଥାଏ।
ପୂଜା ବିଧି :
ଏହିଦିନ ପ୍ରାତଃ ସମୟରେ ଉଠି ଘରକୁ ଭଲ ଭାବେ ସଫା-ସୁତୁରା କରନ୍ତୁ। ତାପରେ ସ୍ନାନ କାର୍ଯ୍ୟ ସାରି ବ୍ରତ କରିବାର ସଙ୍କଳ୍ପ କରନ୍ତୁ। ମା’ କାଳୀଙ୍କର ମୂର୍ତ୍ତି କିମ୍ବା ଫଟୋକୁ ଏକ ସଫା ଆସ୍ଥାନ ଉପରେ ରଖନ୍ତୁ। ମା’ କାଳୀଙ୍କୁ ଲାଲ ରଙ୍ଗର ବସ୍ତ୍ର ଅର୍ପଣ କରନ୍ତୁ। ତାପରେ ମା’ ଙ୍କ ସମ୍ମୁଖରେ ଘିଅର ଦୀପ ପ୍ରଜ୍ବଳିତ କରନ୍ତୁ। ମା’ କାଳୀଙ୍କର ମନ୍ତ୍ର ଜପ କରନ୍ତୁ।
ମା’ କାଳୀଙ୍କ ପୂଜାରେ ଲାଲ ଫୁଲ, ଚାଉଳ, ଚନ୍ଦନ, ସିନ୍ଦୁର, ଦୁବ, ଧୂପ ଓ ଝୁଣା ଆଦି ବ୍ୟବହାର କରନ୍ତୁ। ପ୍ରସାଦ ରୂପେ ମିଷ୍ଠାନ୍ନ ଓ ଫଳ ଭୋଗ କରନ୍ତୁ। ତାପରେ ମା’ଙ୍କ ଆଳତି କରନ୍ତୁ। ପୂଜା ସମାପ୍ତ ହେବା ପରେ ମା’ଙ୍କୁ ପରିବାର ସଦସ୍ୟଙ୍କ ନିମନ୍ତେ ପ୍ରାର୍ଥନା କରନ୍ତୁ। ଏହିଦିନ କେବଳ ଫଳାହାର କରିବା ଉଚିତ।