ମେଷ: ଆପଣଙ୍କ ଉଦାର ସ୍ବଭାବ ଖଳ ଲୋକଙ୍କ ପାଇଁ ସୁଯୋଗ ସୃଷ୍ଟି କରିପାରେ। କୃଷକମାନଙ୍କ ଉପଦେଷ୍ଟା ହୋଇପାରନ୍ତି। ପୁଣ୍ୟପ୍ରଭା ପତ୍ନୀଙ୍କ ସହ ଯାନବାହନ ସୁଖ ଭୋଗ କରିପାରନ୍ତି। ସୁସ୍ଥ ରହିବେ।
ବୃଷ: ଈଶ୍ବରଙ୍କ ଭକ୍ତିରେ ଶକ୍ତିସମ୍ପନ୍ନ ହେବେ। ବୁଦ୍ଧି, ବିବେକ ବଳରେ ପରକୁ ଆପଣାର କରିପାରନ୍ତି। ପରୋପକାର ଓ ସେବା ମନୋବୃତ୍ତି ଯୋଗୁଁ ପ୍ରଶଂସାର ପାତ୍ର ହେବେ। ଅସାଧ୍ୟ ସାଧନ କରିପାରନ୍ତି।
ମିଥୁନ: ଆଜି ଆପଣଙ୍କ ଭାଗ୍ୟ ଡୋରୀ ନିୟତି ହାତରେ ରହିଛି। କର୍ମ ଅନୁସାରେ ଫଳ ପ୍ରାପ୍ତ ହେବ। ସହନଶୀଳ ମନୋଭାବ ଯୋଗୁଁ ଆପଣଙ୍କ ସହିତ ଦୁଷ୍ଟାମି ଆଚରଣ କରିଥିବା ବ୍ୟକ୍ତି ପଶ୍ଚାତାପ କରିବେ। ଧନାଗମ ହେବ।
କର୍କଟ: ସୁଖ, ଶାନ୍ତି, ଦୟା, କ୍ଷମା ରୂପକ ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ମାଲିମୋକଦ୍ଦମାର ବିଚାରଧାରା ଆପଣଙ୍କ ସପକ୍ଷରେ ଯିବା ସହିତ ଅର୍ଥ ଦାନର ବ୍ୟବସ୍ଥା କରିପାରେ। ଦାମ୍ପତ୍ୟ ସୁଖ ମିଳିପାରେ।
ସିଂହ:ପାପ, ତାପ, ପରିହରକ କୃପାନିଧାନଙ୍କ କୃପାପାତ୍ର ହୋଇପାରନ୍ତି। ପରାଙ୍ଗ୍ପୁଷ୍ଟ ନ ହୋଇ ନିଜର ଧୀ ଶକ୍ତି ପ୍ରୟୋଗରେ ପ୍ରତ୍ୟେକ କାର୍ଯ୍ୟର ସଫଳ ରୂପାୟନ କରିବେ। ଗରିବଙ୍କ ଚିକିତ୍ସାରେ ଧନ ବ୍ୟୟ କରିବେ।
କନ୍ୟା:ସତ୍ୟବାଦ୍ୟୋ ଦୃଢ଼ବ୍ରତ ଆଚରଣ କରିପାରନ୍ତି। ଭାଷାରେ ନୂତନ ଦିଗନ୍ତ ସୃଷ୍ଟି କରିପାରନ୍ତି। ଚାରୁ ଚନ୍ଦନା ଦେହୀ ପତ୍ନୀଙ୍କ ପରାମର୍ଶ ଉପାଦେୟ ହେବ। ଶ୍ରଦ୍ଧା, ସମ୍ମାନ ଓ ଧନ ସରକାରୀ କୃପାରୁ ମିଳିବ।
ତୁଳା: ପାରିବାରିକ ସ୍ନେହ, ଶ୍ରଦ୍ଧାରେ ଘରକୁ ବୈକୁଣ୍ଠ ସମାନ କରିପାରନ୍ତି। ଦୟାଳୁ ଓ ସମ୍ୟକ୍ ତତ୍ତ୍ବଦର୍ଶୀ ହେବେ। ଗୁଣାତୀତ ହେବେ। ଚେତନାର ଉଜ୍ଜ୍ବଳ ପ୍ରଦୀପ ହେବେ। ବାଣିଜ୍ୟ କାରବାର ଲାଭପ୍ରଦ ହେବ।
ବିଛା : ଧର୍ମ କାର୍ଯ୍ୟରେ ଧନ ବ୍ୟୟ କରି ଜନମାନସରେ ପ୍ରଶଂସାର ପାତ୍ର ହେବେ। ଭାଗ୍ୟାକାଶକୁ ଉଜ୍ଜ୍ବଳ କରିପାରନ୍ତି। ଶାନ୍ତି ଓ ତୃପ୍ତିର ସୂତ୍ର ସତ୍ସଙ୍ଗରୁ ପାଇବେ। ସେବା ଭାବନାରେ ଉନ୍ମୁକ୍ତ ହୋଇପାରନ୍ତି।
ଧନୁ: ଆକାଂକ୍ଷା ରୂପକ ବେଡ଼ି ଜୀବନରେ ଅଗ୍ରସର ହେବାର ପଥରୋଧ କରିପାରେ। ସଫଳତା ପାଇବାକୁ ହେଲେ ସାହସ, ଧୈର୍ଯ୍ୟ, ତିତିକ୍ଷା, ସତର୍କତା, ନୀରୋଗତା, ସଂଗଠନ ଶକ୍ତିଭଳି ଗୁଣର ଆବଶ୍ୟକ।
ମକର: ଉତ୍ସର୍ଗୀକୃତ ସେବାରେ ନିମଗ୍ନ ହୋଇପାରନ୍ତି। ସମ୍ବେଦନା ସହିତ ଯୋଡ଼ି ହେଲେ ସେବାର ସାର୍ଥକତା ଉପଲବ୍ଧ ହେବ। ଅହଂକାର ଓ ଆସକ୍ତିରେ ତ୍ରସ୍ତ ହୋଇପାରନ୍ତି। ବ୍ୟବସାୟ ଲାଭପ୍ରଦ ହୋଇପାରେ।
କୁମ୍ଭ:କର୍ମଚଞ୍ଚଳ ରହିବେ। ଗରିବ ଓ ଅସହାୟଙ୍କ ପ୍ରତି ଅନୁକୂଳ ମନୋଭାବ ପୋଷଣ କରିବେ। ସେମାନଙ୍କୁ ଆର୍ଥିକ ସହାୟତା କରିପାରନ୍ତି। ଧର୍ମ କାର୍ଯ୍ୟରେ ଧନ ବ୍ୟୟ କରି ସମସ୍ତଙ୍କ ପ୍ରିୟପାତ୍ର ହୋଇପାରନ୍ତି।
ମୀନ: ସହନଶକ୍ତି ଓ ସଚ୍ଚୋଟତା ବଳରେ ଶତ୍ରୁତାର ଅବସାନ ଘଟାଇବେ। ଆଶା ମରୀଚିକା ପରି ଛଳନାମୟୀ ହୋଇପାରେ, ତା’ର ନିରାକରଣ ହେଉଛି କେବଳ ସତର୍କତା। ସପତ୍ନୀକ ଈଶ୍ବରଙ୍କୁ ଦର୍ଶନ କରିପାରନ୍ତି।
