ମେଷ: ଗୁରୁ, ଗୁରୁଜନ ଓ ବରିଷ୍ଠ ବ୍ୟକ୍ତିମାନଙ୍କ ନିକଟରେ ବିନୟାବନତ ଭାବ ପ୍ରଦର୍ଶନ କରିପାରନ୍ତି। ସରକାରୀ ଓ ବେସରକାରୀ ଅର୍ଥ ପ୍ରାପ୍ତ ହୋଇ ଆର୍ଥିକ ସ୍ଥିତିକୁ ଦୃଢ଼ କରିବେ। ସମ୍ମାନିତ ହେବେ। କର୍ମଠ ହେବେ।
ବୃଷ: ଧନବାନ୍ ହେବେ। ଗୋଦାନ କରି ଆତ୍ମସନ୍ତୋଷ ଲାଭ କରିବେ। ଆଭୂଷଣ ପ୍ରିୟ ହେବେ। ପରିଧାନ ପ୍ରତି ଉଚ୍ଚାକାଂକ୍ଷୀ ହେବେ। ଦୀନ ଦରିଦ୍ରଙ୍କୁ ଭୋଜନ ଦାନ କରି ଧର୍ମ ଅର୍ଜନ କରିବେ। ସୁସ୍ଥ ରହିବେ।
ମିଥୁନ: ଥଣ୍ଡାଜ୍ବର କାରଣରୁ ଶରୀର କ୍ଷୀଣ ହୋଇପାରେ। କର୍ମକ୍ଷେତ୍ରରେ ବାଧା, ବିଘ୍ନର ସମ୍ମୁଖୀନ ହୋଇପାରନ୍ତି। ପୁତ୍ର, କନ୍ୟାମାନେ ଅପରୂପ ସୌନ୍ଦର୍ଯ୍ୟସମ୍ପନ୍ନ ହେବେ। ଧର୍ମକାର୍ଯ୍ୟରେ ଧନ ବ୍ୟୟ କରିବେ।
କର୍କଟ: ମନୋହାରିଣୀ, ସୌଭାଗ୍ୟଯୁକ୍ତା, କଳଙ୍କ ରହିତା ଓ ସଂଯତା କନ୍ୟାକୁ ଧର୍ମପତ୍ନୀଭାବେ ପ୍ରାପ୍ତ ହୋଇପାରନ୍ତି। ଦିନଟି ସୁଖଦାୟକ ହେବ। ଶୁଭଙ୍କର ଘଟଣାମାନ ଘଟିବ। ସୁସ୍ବାଦୁ ଭୋଜନ ସହ ଆନନ୍ଦ ମିଳିବ।
ସିଂହ: ଉଦ୍ଯୋଗୀ ପତ୍ନୀଙ୍କ କର୍ମ କୁଶଳତାରୁ ଧନବାନ୍ ହୋଇପାରନ୍ତି। ଆପଣଙ୍କ ବ୍ୟକ୍ତିତ୍ବ ପ୍ରଭାବରେ ଶତ୍ରୁମାନେ ଅପସରି ଯାଇପାରନ୍ତି। ପୁତ୍ର, ପତ୍ନୀଙ୍କ ସହାୟତାରେ ଋଣ ପରିଶୋଧ କରିପାରନ୍ତି। ଧାର୍ମିକ ହେବେ।
କନ୍ୟା: କନ୍ୟାମାନେ ପତିପ୍ରିୟା ହେବେ ଓ ଶାସ୍ତ୍ରାଦି ଗୁଣ ଭୂଷିତା ହେବେ। ସୁବକ୍ତା ହୋଇପାରନ୍ତି। ସେହି କନ୍ୟାମାନଙ୍କ ମଧ୍ୟରୁ କେତେକ ସ୍ବୟଂସିଦ୍ଧା ହୋଇ ଧନ ଅର୍ଜନରେ ପାରଙ୍ଗମ ହେବେ।
ତୁଳା: ଶୌର୍ଯ୍ୟଯୁକ୍ତ ଓ ଯୁଦ୍ଧପ୍ରିୟ ହେବେ। କଥାବାର୍ତ୍ତାରେ ଅନ୍ୟର ମନକୁ ମୋହିତ କରିପାରନ୍ତି। ସଦାସର୍ବଦା ହାସ୍ୟମୁଖ ରହିବେ। ଅନୁକୀର୍ତ୍ତନରୁ ଆନନ୍ଦ ଅନୁଭବ କରିପାରନ୍ତି। ଯାନବାହନ ସୁଖ ମିଳିପାରେ।
ବିଛା: ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କ ଦ୍ବାରା ପ୍ରଶଂସିତ ହୋଇପାରନ୍ତି। ଉପୁଜିଥିବା ଅଶାନ୍ତିର ଅବସାନ ଘଟିବ। କର୍ମକ୍ଷେତ୍ରରେ ଜ୍ଞାନଗରିମା ପ୍ରୟୋଗ କରି ଅଧିକ ଲାଭବାନ୍ ହୋଇପାରନ୍ତି। ଧର୍ମଜ୍ଞ ହେବେ।
ଧନୁ: ସ୍ଥିର ସମ୍ପତ୍ତିରୁ ସୁଧ ଆକାରରେ ଅର୍ଥ ଉପାର୍ଜନ କରିବାକୁ ସକ୍ଷମ ହେବେ। ସୁଯୋଗ ଅର୍ଜନ କରି ହିତାଧିକାରୀଙ୍କ ଆଶୀର୍ବାଦରୁ ଧନବାନ୍ ହେବେ। ରସାୟନ ବିଷୟ ଓ ଧର୍ମକ୍ରିୟାରୁ ଧନ ପ୍ରାପ୍ତ ହେବେ।
ମକର: ଆୟ ଊଣା ହେବ ନାହିଁ। ଭାଗ୍ୟ ଉପରେ ନିର୍ଭରଶୀଳ ନ ହୋଇ କର୍ମ କୁଶଳତାରୁ ଉଚ୍ଚାସନରେ ଆସୀନ ହେବେ। ଅବିଶ୍ବାସୀ ବନ୍ଧୁଙ୍କଠାରେ କପଟ ସ୍ନେହ ପ୍ରଦର୍ଶନ କରିବେ। ଆହାର ସୁଧାର ହେବ।
କୁମ୍ଭ:ଦେବ କାର୍ଯ୍ୟରେ ବ୍ରହ୍ମ ଉପାସକଙ୍କ ହିତାର୍ଥେ, ସିଦ୍ଧ ତପସ୍ବୀମାନଙ୍କ ସ୍ନେହାଶୀର୍ବାଦରୁ, ସାଧୁମାନଙ୍କ କଲ୍ୟାଣରୁ ଧନବନ ଓ ମନବଳକୁ ଦୃଢ଼ କରି ସଂଗ୍ରାମୀ ମନୋବୃତ୍ତିରେ ଧନ ବ୍ୟୟ କରିବେ।
ମୀନ: ବହୁ ପ୍ରକାରର ଲାଭଯୁକ୍ତ ହେବେ। ମିତ୍ରଠାରୁ ଧନ ପ୍ରାପ୍ତିର ସୂଚନା ମିଳୁଛି। ସରକାରୀ ସ୍ତରରୁ ଆର୍ଥିକ ଅନୁଦାନ ମିଳିପାରେ। ସମ୍ମାନିତ ହେବା ସହିତ ସମ୍ବର୍ଦ୍ଧନାରୁ ଧନ ପ୍ରାପ୍ତିର ସୁଯୋଗ ସୃଷ୍ଟି ହୋଇଛି।
