ଆଠଗଡ : ଜାତୀୟ ଅଗ୍ନିଶମ ସେବା ସୁରକ୍ଷା ସପ୍ତାହ ଅବସରରେ ଆଠଗଡ ଅଗ୍ନିଶମ ବିଭାଗ ପକ୍ଷରୁ ଅଗ୍ନି ନିରାପତ୍ତା ସଚେତନତା ପାଇଁ ବଜାରରେ ଏକ ଛୋଟ ମଲରେ ମକଡ୍ରିଲ କରାଯାଇଥିଲା । ଆଠଗଡ ସହକାରୀ ଅଗ୍ନିଶମାଧିକାରୀ ଦୁଷ୍ମନ୍ତ କୁମାର ସ୍ୱାଇଁଙ୍କ ନେତୃତ୍ୱରେ ଆଗ୍ନିକମାନେ ବଡ ଦୋକାନ ବା ବଜାରରେ ଆକସ୍ମିକ ଅଗ୍ନିକାଣ୍ଡ ଘଟିଲେ କିପରି ତାକୁ ଲିଭାଯିବ ଏବଂ ଲୋକମାନଙ୍କୁ ସୁରକ୍ଷିତ ଉଦ୍ଧାର କରାଯିବ ସେ ସଂପର୍କରେ ମକ୍ଡ୍ରିଲ ଜରିଆରେ ପ୍ରଦର୍ଶନ କରିଥିଲେ । ଏଥିସହ ଆଠଗଡ ସହରର ବିଭିନ୍ନ ବଡ଼ ଦୋକାନ ଓ ବ୍ୟବସାୟ ପ୍ରତିଷ୍ଠାନରେ ଅଗ୍ନି ନିର୍ବାପକ ଯନ୍ତ୍ର ରଖିବା ଉପରେ ଗୁରୁତ୍ୱାରୋପ କରିବା ସହିତ ତାର ବ୍ୟବହାର କିପରି କରାଯିବ ଆଗ୍ନିକ ବୁଝାଇଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ ଆଗ୍ନିକ ଅନିଲ କୁମାର ବେହେରା, ଆଗ୍ନିକ ଅନୁଜ ସେଠୀ, ଦମକଳ ଚାଳକ ସଂଗ୍ରାମ କିଶୋର ପ୍ରଧାନ, ଦୀପକ କୁମାର ସାହୁ ପ୍ରମୁଖ ମକଡ୍ରିଲ ମାଧ୍ୟମରେ ଅଗ୍ନି ନିରାପତ୍ତା ସଂପର୍କରେ ସଚେତନ କରିଥିଲେ।
Comments are closed.