ପିପିଲି : ପିପିଲି ଥାନା ଅନ୍ତର୍ଗତ ଦାଣ୍ଡମୁକୁନ୍ଦପୁର ସ୍ଥିତ କରଣ ସାହି ଗ୍ରାମ୍ୟ ଛକ ଠାରେ ଥିବା ଲୋଟସ ମଣ୍ଡପ ସମ୍ମୁଖରେ ଅବକାରୀ ବିଭାଗ ପକ୍ଷରୁ ଚଢଉ କରାଯାଇ ୭୬ଗ୍ରାମ ଧଳାଜହର ଜବତ କରାଯାଇଛି । ଏହି ଘଟଣାରେ ନିକଟବର୍ତ୍ତୀ ବାସୁଦେଇପୁର ଗ୍ରାମର ଦାମୋଦର ଦାସ (୪୧)କୁ ଗିରଫ କରାଯାଇଛି ।
ପୁରୀ ଜିଲା ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶ କ୍ରମେ ଜିଲା ମୋବାଇଲ ସ୍କ୍ୱାର୍ଡର ଉପ-ନିରୀକ୍ଷକ ସିଦ୍ଧେଶ୍ୱର ମଲ୍ଲିକଙ୍କ ନେତୃତ୍ୱରେ ଅବକାରୀ ଏଏସ୍ଆଇ ସୁବାଷ ଚନ୍ଦ୍ର ମହାପାତ୍ର, କର୍ମଚାରୀ ପ୍ରଦୀପ୍ତ କୁମାର ପଣ୍ଡା, ଜଗନ୍ନାଥ ଦାସ, ଡଲିମଣୀ, ଦିପ୍ତିରଞ୍ଜନ ଦାସ ପ୍ରମୁଖ ଦାଣ୍ଡମୁକୁନ୍ଦପୁରରେ ଚଢାଉ କରି ଦାମୋଦରଙ୍କୁ ଗିରଫ କରିବା ସହ ତାଙ୍କ ଠାରୁ ୭୬ଗ୍ରାମ ଧଳାଜହର ଜବତ କରିଥିଲେ। ଜବତ ଧଳାଜହରର ମୂଲ୍ୟ ୭ଲକ୍ଷ ୬୦ ହଜାରରୁ ଉର୍ଦ୍ଧ ହେବ ବୋଲି ସୂଚନା ମିଳିଛି । ଏନେଇ ଜିଲା ମୋବାଇଲ ସ୍କ୍ୱାର୍ଡ ପକ୍ଷରୁ ଏକ ମାମଲା ରୁଜ କରାଯାଇ ଅଭିଯୁକ୍ତକୁ ପୁରୀ କୋର୍ଟକୁ ଚାଲାଣ କରାଯାଇଥିଲା। ଜାମିନ ନାମଞ୍ଜୁର ହେବାରୁ ଅଭିଯୁକ୍ତକୁ ପୁରୀ କାରାଗାରକୁ ପଠାଇ ଦିଆଯାଇଥିବା ସୂଚନା ମିଳିଛି।
Comments are closed.