ସମ୍ବଲପୁର: ପୂର୍ବତଟ ରେଳବାଇ ଅର୍ନ୍ତଗତ ସମ୍ବଲପୁର ରେଳ ମଣ୍ଡଳ ଅଧିନସ୍ଥ ଟିଟିଲାଗଡ଼–ଥେରୁବାଲି ସେକ୍ସନ ମଧ୍ୟରେ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ପାଇଁ ଆସନ୍ତା ୨୧ ତାରିଖରେ ଯାତ୍ରୀବାହୀ ରେଳ ସେବା ବ୍ୟାହତ ହେବ। ରେଳବାଇ ପକ୍ଷରୁ ଜାରି ସୂଚନାନୁଯାୟୀ, ରେଳଗାଡି ସଂଖ୍ୟା ୦୮୫୨୭/୦୮୫୨୮ ବିଶାଖାପଟନମ – ରାୟପୁର ପାସେଞ୍ଜର ସ୍ୱତନ୍ତ୍ର ଶୁକ୍ରବାର ଉଭୟ ପଟରୁ ବାତିଲ ରହିବ। ରେଳଗାଡି ସଂଖ୍ୟା ୦୮୩୧୭/୦୮୩୧୮ ସମ୍ବଲପୁର – ଜୁନାଗଡ଼ ରୋଡ – ସମ୍ବଲପୁର ପାସେଞ୍ଜର ସ୍ୱତନ୍ତ୍ର ଶୁକ୍ରବାର ଉଭୟ ପଟରୁ ବାତିଲ ରହିବ।
ସେହିଭଳି ରେଳଗାଡି ସଂଖ୍ୟା ୧୮୩୦୧/୧୮୩୦୨ ସମ୍ବଲପୁର – ରାୟଗଡ଼ା – ସମ୍ବଲପୁର ଏକ୍ସପ୍ରେସ ୨୧ ତାରିଖରେ ସମ୍ବଲପୁରରୁ ଟିଟିଲାଗଡ଼ ପର୍ଯ୍ୟନ୍ତ ଉଭୟ ଦିଗରୁ ଚଳାଚଳ କରିବ ଏବଂ ଟିଟିଲାଗଡ଼ରୁ ରାୟଗଡ଼ା ମଧ୍ୟରେ ଚଳାଚଳ ବନ୍ଦ ରହିବ। ଭୁବନେଶ୍ୱରରୁ ଗୁରୁବାର ଛାଡିବାକୁ ଥିବା ୨୦୮୩୭ ଭୁବନେଶ୍ୱର – ଜୁନାଗଡ଼ ରୋଡ ଏକ୍ସପ୍ରେସ ରାୟଗଡ଼ା ପର୍ଯ୍ୟନ୍ତ ଏବଂ ଶୁକ୍ରବାର ଏହି ରେଳଗାଡି ୨୦୮୩୮ ଜୁନାଗଡ଼ – ଭୁବନେଶ୍ୱର ଏକ୍ସପ୍ରେସ ହୋଇ ଭୁବନେଶ୍ୱରକୁ ଫେରିବ। ରାୟଗଡ଼ାରୁ ଜୁନାଗଡ଼ ରୋଡ ମଧ୍ୟରେ ଏହି ରେଳଗାଡି ଉଭୟ ପଟରୁ ବାତିଲ ରହିବ। ସେହିପରି ରେଳଗାଡି ସଂଖ୍ୟା ୧୨୮୦୮ ନିଜାମୁଦ୍ଦିନ-ବିଶାଖାପଟନମ ସମତା ଏକ୍ସପ୍ରେସ ୨୦ ତାରିଖ ସକାଳ ୭ଟା ପରିବର୍ତ୍ତେ ସକାଳ ୯ଟା ୩୦ରେ ନିଜାମୁଦ୍ଦିନରୁ ଛାଡିବ। ରେଳଗାଡି ସଂଖ୍ୟା ୧୭୪୮୨ ତିରୁପତି – ବିଲାସପୁର ଏକ୍ସପ୍ରେସ ୨୦ ତାରିଖରେ ସକାଳ ୧୦ଟା ୫୦ ମିନିଟ ପରିବର୍ତ୍ତେ ୧୪ ଘଣ୍ଟା ୫୦ ମିନିଟରେ ତିରୁପତି ଛାଡି ତାର ଗନ୍ତବ୍ୟସ୍ଥଳକୁ ଯିବ ବୋଲି ରେଳବାଇ ପକ୍ଷରୁ ସୂଚନା ଦିଆଯାଇଛି।
Comments are closed.