ସମ୍ବଲପୁରରେ ଆଉ ୪୮ ଘଣ୍ଟା ପାଇଁ ଇଣ୍ଟରନେଟ୍ ବନ୍ଦ

ସମ୍ବଲପୁର : ସମ୍ବଲପୁରରେ ଗତ ୧୫ ତାରିଖ ସକାଳ ୧୦ଟାରୁ ବନ୍ଦ ଥିବା ଇଣ୍ଟରନେଟ ସେବାକୁ ଆହୁରି ୪୮ ଘଣ୍ଟା ପର୍ଯ୍ୟନ୍ତ ସରକାର ବନ୍ଦ କରିଛନ୍ତି। ରାଜ୍ୟ ସରକାରଙ୍କ ନିର୍ଦ୍ଦେଶାନୁଯାୟୀ, ଆସନ୍ତା ୨୨ ତାରିଖ ସକାଳ ୧୦ଟା ପର୍ଯ୍ୟନ୍ତ ଇଣ୍ଟରନେଟ ସେବା ସମ୍ବଲପୁର ଜିଲାରେ ବନ୍ଦ ରହିବ। ତେବେ ଜନତାଙ୍କ ବୃହତ୍ତର ସ୍ୱାର୍ଥ ଓ ସରକାରୀ କାର୍ଯ୍ୟଗୁଡିକୁ ସମ୍ପାଦନ କରିବା ନିମନ୍ତେ ସକାଳ ୧୦ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ବ୍ରଡବ୍ୟାଣ୍ଡ ଓ ଲିଜ୍ ଲାଇନ ଜରିଆରେ ସୀମିତ ଇଣ୍ଟରନେଟ ସେବା ପ୍ରଦାନ କରାଯାଇଛି। ଫଳରେ ଲୋକେ ସାମାନ୍ୟ ଆଶ୍ୱସ୍ତି ଅନୁଭବ କରିଛନ୍ତି। ଅପରପକ୍ଷେ, ଦୀର୍ଘ ୫ ଦିନ ପରେ ସୀମିତ ସମୟ ପାଇଁ ଇଣ୍ଟରନେଟ ସେବା ଚାଲୁ କରାଯାଇଥିବାରୁ ଅନେକ ବ୍ୟକ୍ତି ବ୍ରଡବ୍ୟାଣ୍ଡ କନେକ୍ସନ ଥିବା ସ୍ଥାନଗୁଡିକରେ ବେଶ ଭିଡ ଜମାଇଥିବା ଲକ୍ଷ୍ୟ କରାଯାଇଛି।

 

Comments are closed.